 |
 |
 |
آخر 10 مشاركات
|
 |
 |
 |
|
||||||||||||||||||||||||||||||||||||
أقسام
الموقع 
 |
 |
 |
|
|
|
|
|
|||||||
| التسجيل | قوانين المنتدى | كافة الألبومات | المدونات | التعليمـــات | التقويم | البحث | مشاركات اليوم | اجعل كافة الأقسام مقروءة |
|
|
|
|
| إستراحة مجالس الجوارس استراحة الأعضاء لتبادل المرح والتسلية ويحتوي على ألعاب . |
 |
|
|
LinkBack | أدوات الموضوع | إبحث في الموضوع | انواع عرض الموضوع |
|
|
|
|
14-09-04, 09:25
|
#1 | ||||
|
[بزبوز ايام زمان ]
 
|
السلام عليكم ورحمه الله وبركاته ايها الاخوه والاخوات يسرنا في هذه الليله ان نقدم لكم فلم السهره الحاصل على جميع جوائز الاوسكار بحذافيرها .. والذي توفى عدد 500 شخص اثناء عرضه .. من حبهم للفلم .. واللي انتحر واللي وهو طالع من السنما طلع مفهي ودعسته سياره .. ومن غير اللي راح على اخوانه الصغار يطبق فيهم حركات الاكشن وفقع وجيههم وتوفو في الحال ,... وهو من بطوله الممثل السنغالي هنشي واعداد واخراج المخرج البنقالي بزبوز << عامر الحمود على غفله ارجو ان تقضو اوقات ممتعه ومفيده مع الفلم وشكرا .... ملاحظه : 1- يمنع على من كان عمره اقل من 40 سنه متابعه هذا الفلم وذلك لوجود لقطات مخيفه ( كله من ذا السنغالي ) 2-ينصح باحضار براد شاهي والا اقولكم ترمس شاهي ويا حبذا ان تكون ملغمه ومرصصه بربع شد وتزهيب الطفايه للمدخنين وشراء مالا يقل عن كرز واحد ,واللي ما يدخن يروح يشتري له مصاصه يجلس يلحس فيها الين يفرجها ربك ... 3-قطع الاتصال وذلك من جراء المشوار اللي بتمسكوه مع الفلم 4-يحبذ ان تقوم بقفل الجوال وتصريف كل من كان على موعد معك لكي تتمتع بمشاهده الفلم على روقان .. 5-يستحسن احضار المكسرات بدلا من الفصفص وذلك لتجنب الدوام اخر الليل لتكنيس قراشيعكم وسعابيلكم.. 6-جميع حقوق الطبع محفوظه من انتاج شركه ( ابو البزابيز الفنيه للانتاج الفني والثانويه التجاريه <- وش جاب ذي .. << اقول لايكثر ... والله لو انه التاي تنك وانا مدري ... ترن ترن ترن ترن ترن ترن رتن .. بدأ المشهد وهنشي جالس يحك سره قدام المكيف المهم دق الجرس حق الباب طن طو طن طو .. هنشي: مين محد رد .......... طن طو طن طو هنشي: ميـــــــــــــــــــن محد رد.......... طبعا السالفه ذي الساعه 2.30 في الليل المهم قام وجه الشوم بيفتح الباب من دون ما يطالع في العين السحريه( بيسوي انه كبير ولا يخاف ) الزبده فتح الباب ولا لقي احد ؟؟؟؟ غريبه ؟؟؟!! طلع طالع يمين ويسار ؟؟؟ محدش: المهم رجع الى البيت !!!؟؟؟ ولا درى الا والمربوعه دبج على القفاه ... ومن الطيحه ذيك وعليها.... ماصحي الا بعد 12 يوم(تصورو 12يوم في غيبوبه ولا اكل ولا شرب ولا مغذيه ولا حليب سعوديه ؟؟؟ وهذا يدل على انهم اختارو الشخص الغير مناسب ( يعني راحو فيها ) المهم بعد ما صحي بعد12 يوم فتح عيونه الا وقدامه 3 نفر<< قلب بو فسيه الا وذا اسير عيونها و الساري والمهندس واقفين يطالعون بحقد وكل واحد حاط سيقاره في يد والهراوه في يد ويخبطون بالهراوه على اليد الثانيه ... يالله حيه طبيت في ايدينا المهم هنشي مو فاضيلهم يبي ياكل ويشرب عشان يسترد الطاقه (طاقه والاباب خخخخخخ ) هنشي : ممكن طلب ؟ العرابجه : وش تبي: هنشي: ابي اكل جوعان وحالتي حاله العرابجه : تعقب ماعاد الا هي هنشي: تكفون العرابجه : اقول على شحم ( معصي ) هنشي  الساري كنه اشفق عليه شوي قال: طيب وش تبي يابعدي اسير والمهندس >> يطالعون في الساري ؟؟ وش وش قلت ؟؟ الساري : انتم لا تكونون شديدين مره وحد خلوه ياكل ويشرب عشان يقدر يتكلم وبعدين نتفاهم معه .<-- صرفها على طول اسير والمهندس : صح صح والله انك صادق اثارينا طلعنا اغبياء ( توهم يدرون ) العرابجه الثلاثه : انت يا ابو الشباب وش تبي تاكل ؟ هنشي: ابي حبه على الفحم وايدام مشكل وعلبه ببسي (قوه الوجه )  اسير : لاتكون ضيف عندنا وحنا ما ندري حدك بيض مقلي ويخب. هنشي:لا لا والله مالكم داعي ..ويطالع في الساري على باله بيشفق عليه مره ثانيه. المهندس : اقول انطم وعساك بطاعون يشك بطنك: هنشي اسير :اسمع الكلام اللي قاله لك اسير مفهووووووم: عاد اسير انتفخ راسه ومحد قده الزبده جابوله سندويش واكلها وبغى ياكل القراطيس معها هنشي بعد ما شبع : الحين وش تبون مني انا وش سويت ؟؟؟ العرابجه: وش سويت ؟؟؟ الا قل وش ماسويت << حاطين ايديهم كذا <|> العرابجه: خل الرئيس حقنا يجي ويعلمك وش مسوي بعد ساعه جاء العير حقهم ... العير = برطيخ = دبدوب = الكل في الكل ( امحق ولد ) العير: سلام العرابجه : هلا سيدنا ورأيسنا ( العميد ) هنشي : اخس يا العميد الله يالدنيا قبل امس وانا اسطر فيه واتعلم عليه الكارتيه والتلطيخ والحين صار رئيس العميد :اقول اقطع الهرج عساك بالقرحرح في خشمك هنشي :طيــــــــــــــــــــــــب ( يقولها وهو حاقد 10000 )  الزبده جو الربع يحققون معه. العرابجه: وين كنت قبل 13 يوم الساعه 1 في الليل؟؟ هنشي :كنت جالس اشيك على الردود في الجوارس العميد : كذاااااااااااااب ( يقولها باعلى صوت ) هنشي الساري : اقول اعترف احسن لك هنشي اسير : ما بتعترف؟؟؟؟ هنشي : << بغى يبكي في اللحظه ذي العميد : عرابجه شفو شغلكم المهم ويدهرون العرابجه في هنشي تصفيق ( ماصدقو خبر) الساري يبي يجرب براطمه يشوف هي تتحمل وقت النشبات المهندس يبي يطلع حساب السندويش اللي جابها من ظهره اسير يبي يقتضي من هنشي يوم علقه برجوله في جدار المنتدى قبل سنه ... المهم وهم مدهرين فيه طق ؟؟ فجأه ؟؟؟؟ الا والباب يوم انكسر !!!!!!!!!! الا وذا عسافة الخيل وميسون دبي ونارا واصيل وجني مصرقع __ ولابسين لبس سلاحف الننجا العرابجه : وش ذاااااا ؟؟؟؟ سلاحف الننجا: من وين ربي جابكم  عسافة الخيل --------->> سلحوف رقم 1 ======>( محمد الدعيع ) ميسون دبي ---------->> سلحفاه رقم 2 =======> ( سلقادو ) نارا --------------------->> سلحفاه رقم3 ========>( ريبورتو كارولس ) اصيل -------------------->> سلحفاه رقم4 ========>(مالديني ) جني مصرقع ----------->> سلحوف رقم5 =======> ( زيدان ) سلحوف رقم1: ماشاء الله تبرزو عضلاتكم على هنشي المسكين سلحفاه رقم 2:طيب طيب اذا ما نوريك نجوم القيله سلحفاه رقم3:ازهلوهم عندي وانا ام اصطوانه سلحفاه رقم4: الاخلوهم لي انا اقلبهم على وجيههم سلحوف رقم5: والله بدري عليكم تكتفون هنشي عسافة الخيل سلحوف رقم 1 (بصفتها الكابتن حقهم ...حاط شاره الكابتنيه على الذراع الايسر ) وهي اللي توزع الخطه ............... سلحفاه2 عليك بــ اسير ............... سلحفاه 3 عليك با المهندس ............... سلحفاه 4 عليك با الساري ............... سلحوف 5 تعال معي ندبج رئيسهم العميد ________ وصفر الحكم ---------------->> وبسم الله ومنين يوجعك ودبج ودبج ودبج ودبج طبعا بصفتي المخرج قطعت اللقطه حقت الدبج وذلك لوجود لقطات مرعبه وجبت الشعار حق القناة الاولى السيفين والنخله ... اللي غثونا فيه كل ما جاء حفل والا افتتاح دوره في دوله اوربيه ... يحطوه على طول ... لدرجة اني احسب السعوديه من الدول المنظمه للحفل خخخخ... ويوم رجعت اللقطه على الفلم الا و اسير عيونها معلق في المروحه بكراعينه والساري رابطينه ببراطمه ومعلقينه في النجفه و المهندس مدخلين راسه في فتحه المكيف الصحراوي والعميد ملزقينه على مدخل خيمه الشعر ومخلينه ذكرى ويوم فكو هنشي ماقال لايعطيكم العافيه ولا شي تدرون وش قال ؟؟؟؟ قال : والله مالكم داعي ليه ما خليتوهم لي كنت باحوسهم حوس !!! وهو قالها والا ما قالها ولا درى الا وعلبه الببسي محضره على البرطم العلوي  المهم راحو السلاحف وقالو هنشي يالله رح بيتكم ولا تزيد تسري في الليل محنا فاضين كل يوم لخشتك وحن نفرع لك هنشي : شكرا (يقولها وهو منزل ل راسه وفيه شي نازل من خشمه؟؟) ويوم راح البيت جلس يفكر في سلاحف الننجا كيف صفقو العرابجه وجالس يتمنى انه بصير زيهم ( بس ماعندك احد ) المهم يوم من الايام قفلت معه وقال ليش انا مااروح اتعلم كارتيه واصير انا ادافع عن نفسي ؟؟ الى متى يجلسون سلاحف الننجا يدافعون عني الزبده راح ابو الشباب الصاله وكان المدرب هناك واحد اسمه ( يزيد ) المهم مسك هنشي وقال له اسمع اذا تبي تتعلم من جد وتاخذ الحزام الاسود لازم تنظبط معي وتنفذ كل الاوامر.. هنشي: طيب المدرب : ما فيه شي اسمه موافق وبس ... الحين توقع تعهد بانك تطيع جميع اوامري بحذافيرها هنشي: ماطلبت شي  بسم الله الرحمن الرحيم اتعهد انا هنشي الموضحه خشتي اعلاه ان اكون مطيعا ومنفذا لكل تعليمات المدرب بحذافيرها الاسم : هنشي التوقيع  المدرب : يالله رح عند مدربه اللياقه ( صدى الوجدان ) صدى الوجدان : انت يامستجد تعال ... وش اسمك ؟؟؟ هنشي : ه ه ــه هــــ ن ششششي ( يقولها وهو خايف ) مدربه اللياقه :يالله رح لف على الملعب 500 لفه هنشي: 500 لفه لييييييه ؟؟ مدربه اللياقه : اسمع الكلام ونفذ هنشي: اقول روحي بس هههههه قالت ايش قالت 500 لفه واالله لو اني كامري المدرب : هااااااااااااه وش اتفقنا عليه ( ويوريه التعهد ) هنشي: المهم صبر هنشي وتحمل العذاب وكل ما جاء بيهون ويفصل تذكر العرابجه وهم يصفقوه ويتحمل وشد على نفسه رغم ان المدرب كان قاسي عليه لدرجه انه منعه من جميع الماكولات المعروفه مثل الرز والدجاج واللحم وكل شي... بس سامح له بالجرابيع والضفادع وحليب السباع وتحمل وتحمل وتحمل وتحمل وتحمل وتحمل وتحمل الين حصل على الحزام ( الكستنائي ) الكستنائي = جميع الوان الطيف ( يعني اطلق من الحزام الاسود ب50000 مره لدرجه ان هنشي صار يصفق المدرب والمدربه (على قول المثل رب تلميذا صفط مدرسه ) ( امحق مثل ) المهم بعد ما اخذ شهاده الدكتوراه في فن الكارتيه والكونقفو مطارده الجرابيع وصلخ وشوي الضفادع في غضون ثواني .... اعلن الــ د. هنشي حرب البسوس على عصابه العرابجه ورئيسهم المهم راح هنشي يدور العصابه فجأه؟؟؟؟؟ الا وذا اسير عيونها مدربي راسه هنشي:يالله حيه اسير : قافله معه H ويجيك اسير مطير ماشي مليون على باله بيعطي هنشي بقس هنشي واقف مكانه ولاتحرك المهم يوم وصل بقس اسير ماعاد بينه وبين جبهه هنشي الا 1 سم ومادرى اسير الا وهو ملزق في اقرب جدار( هذه اللقطه لم تستطيع الكامرا من التقاطها من سرعتها) هنشي التفت على وراء ويطالع بنص عين ويقول هه هه هه الحمد لله ومشى هنشي وفجأه الا وذا المهندس ؟؟؟ المهندس :من وين ربي جابك .. هنشي :اقول اذا اهلك باقي يبوك توديهم وتجيبهم ضف لا تقرب مني المهندس : اخس ياالزير سالم ههههه هنشي: جنت على نفسها براقش ويجيك المهندس ماشي طليون( الطليون =1000000000كيلو ) وهنشي ماشي طلطوط( الطلطوط = 9999999999999999كيلو ) <- صارت لعبة بلاستيشن مو فلم خخخ وينقز المهندس في السماء وينقز هنشي في السماء ( زي الكابتن ماجد ) ويصكه بكعب ويلزقه في اقرب طياره للخطوط السعوديه ونزل هنشي ينفض يده من الغبار ويقول والله عالم زلط بقي الساري راح هنشي يدور عليه ولقيه جالس مع المبزره في الحاره ( جالس يبلف عليهم ويقول لهم انا قوي انا قد ضربت 15 في لحظه وحده ) الا وعلى جيت هنشي هنشي: قم قم ورنا خرابيطك اللي تهك بها على المبزره المهم قام الساري يستعرض قدام المبزره ويقول شوفو الحين كيف اثبت لكم كلامى وهو قام والا ماقام .. ويجي هنشي ويمسك البرطم العلوي بيده اليمين والبرطم السفلي باليد اليسار ويشدقه شدق ( مزع براطمه )خلاه من دون براطم وبذلك راحو العرابجه في خرايطها ما عدا الرئيس راح هنشي يدور عليه ... المهم حصل شباب زكرت ( زاحفين ) هنشي : سلام بشكه ... حد شاف العميد ؟؟ الزكرت :هلا وغلا ... تلقاه يبوي في الصاله حقته ؟ ودايركت على الصاله ويخش الصاله ويلاقيه مستلم البزوره يع يع يع يع ( اصوات التدريب ) هنشي: اقول يا ابو الشباب تعال ورنا عضلاتك هنا مو عند المبزره العميد : يا شطار شوفو كيف افرمه فرم صدقو المبزره وقامو يصفقون هيه هيه هيه هيه ويجيك العميد يضرب بقس و هنشي يرد وذا يضرب وذا يرد وذا يضرب وذا يرد( لدرجه اني كنت افكرهم يلعبو لعبه الايادي يمين يسار فوق تحت 1.2.3.4. المهم في الاخير قفلت مع هنشي ويصطره على جبهته باصبعه السبابه الا وهو على خنافيره ... والاولاد قامو يصفقو هنشي ويقولو وبعدين قال هنشي للبزوره هذا جزاء اللي ما يسمع كلام بابا وماما والى هذا اليوم مازال هنشي من اشهر مدربي الكونقفو في العالم ومدرسه لابطال العالم و اسير عيونها لازال ملصقا في الجدار الذي طبعه فيه هنشي و المهندس وصلت به الطائره الى مقديشو ( الطائره اللي لزقه فيها هنشي) و الساري لازال على قيد الحياه ببراطمه المقطعه و العميد محنطا في الصاله الرياضيه ... اما سلاحف الننجا فـــ قلبو امها ارهاب وسرقات بنوك واجرام الى حد الركب <-- على الحرام انهم سنايدي خخخ المدرب ( يزيد ) فطس عن عمر يناهز الــــ14 برى مدربه اللياقه صدى الوجدان اعتزلت التدريب وذهب للحياه الزوجيه ورزقت بطفلين معوقين و الظاهر ان ماجلان واحد منهم خخخخ و المخرج بزبوز لازال يدهن اصابعه بزيت زيتون التي تكسرت من كثر ماكتب اليوم عــ الكيبورد تقبلو تحياتي من وراء الشاشه وتشاو |
||||
    
|
(( الافـدغ هـنـشي و سلاحف الـنيـنـجـا الـخـمـسه ))
|
|
|
|
|
|
|
|
|
14-09-04, 04:43
|
#4 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
بــــــــــزبـــــــــوز
يا والله الدلاخه في هـ الاثنين ، على طول صدقوا الساري
 يااخي عجبني المشهد هذااااااااا ،، واثرني قوي وانا مدري
ههههههههههههههههههههههههههههههه ياخي مالت عليك ،، وانا اللقطه ماتجي علي الاوانا معلق اما على جدار ولا على مروحه
يعطيك الف طرليوووون عافيه |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
){kind=small}
){kind=small}
){kind=small}
){kind=small}
|
|
|
|
|
|
|
|
|
14-09-04, 05:42
|
#5 | |||||
|
هههههههههه بزبووووووز اجل تحب حليب السعوديه >>> شكلك مغشوووووش البارح
يا مال الحصبه صاير يوسف شاهين وحنا ما ندري ... بس بصراحه .. حاكر والدين الموضوووووع >>> شكل الحليب مركز !!!! بصراحه كسر خاطري اسير .. انجلد لين قال ولا الضالين ههههههههههه.. والمهندس شاطفني يمشي طبلونه ونارا وراه معها عصا مكنسه وهااااات يا جلد ... اما عسااااافه خلوها لحالها... عاضتن ثوبها بسنونها ونازله ركب بالعميد لين استفرغ خخخخخ... عموما بزبووووز انا غاسلن يدي منك من يوم عينوك في مصلحة المياه وداومت اول يووم وانت لابس سروال سباحه !!!! الله يرجك يالاثول .. الحين مالي الا اروح للي يلحمون كنداسات وعساهم يرجعون برااااطمي..!!!! تشكراااااااات كويس !!
|
|||||
|
|
|
|
|
|
|
|
|
|
|
16-09-04, 06:25
|
#6 | |||||
|
بزبووووووووز
مني بقايل الله يرجك لانك مرجوج خلقه، لكن أقول لك الله يصلحك، عاد ملصقني بطيارة ما وقفت إلا بمقديشو... مقديشو! على العموم مالنا إالا نقول مقبوله منك ومردودة في الأفراح، دمت على الخير دائماً، أخوك / المهندس
|
|||||
|
|
|
|
|
|
|
|
|
|
|
17-09-04, 09:22
|
#7 | ||||
|
[بزبوز ايام زمان ]
|
العميد ... الوافي ...
ترو الصيفيه وخلصت والرحلات الحين كلها ok <--- يبغى يقول لكم ممنوع الحجز عنده خخخخ بس الولد محنك ... --------------------------- اسير عيونها يخوي توك تدري انك غبي خخخخ اصلا الفلم هذا انا مسويه عشانك ابغى الناس يعرفو انك غبي وافدغ وكل شي ... <--- الفلم الجاي بطلعك مهرب مخدرات خخخخ --------------------------------- فاصل ونواصل |
||||
|
|
|
|
|
|
|
|
|
|
|
20-09-04, 04:59
|
#9 | ||||
|
ههههههههههههههههههههههاي بزبوز
وربي انك منت صاحي أنا اقول من يوم تتعدى السكران .. ما اظن بتلقى فيهم واحد صاحي .. خخخخخخخخخخخ قرأت القصه مره ومرتين وثلاث .. وبصراحه اشوف انها تنفع مسلسل كوميدي في رمضان .. لا تعليق على اجزائها لأني ما بخلص .. ينطيك الف عافيه .. وكثر من هالسوالف يا المرج مع السلامه |
||||
|
|
|
|
|
|
|
|
|
|
|
25-09-04, 09:21
|
#10 | ||||
|
[بزبوز ايام زمان ]
|
الساري خخخخخخ
يخوي فيه محل في شارع الغرابي يركبون فيابر للسيارات ... رح يمهم يمكن يحصلو حل لمشكلة براطمك خخخخ انا اللي اعرف ان جميع علماء الفيزياء في العالم صلحو اجتماع عاجل وجلسو يدرسو الشكل الفيزيائي لبراطمك عشان يحصلون مخرج والا مدخل يركبو فيه ولو شبه برطم .... لكن ماااااش ... فــ الله يعينك على الخبز المطحون و حليب السعوديه الين يفرجها ربك... ---------------- المهندس يخوي احمد ربك ان نهايتك كان على يد طياره الخطوط .... غيرك ملزق في جدار والا محنط في برميل حب خخخخ شكريا المهندس -------------- اسير عيونها بتدفع والا ما بتدفع ... مهمتك الفيلم الجاي سواق تريله خخخخخ ---------- العميد وش هي السكران والقريع وقذانه خخخخخخ ماعاد الا تكتب اسم الافغاني موسى اللي في قهوة الجمعيه خخخ فضحتنا الله يفضحك ابليسك .... لا تخليني اعلمهم بسالفة الهندي اللي اشتكاك في الشرطه يوم سرقت زنوبته خخخ <--- ما ينعطى وجه خخخ |
||||
|
|
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| انواع عرض الموضوع | |
العرض العادي
|
|
Powered by vBulletin® Version 3.8.3
Copyright ©2000 - 2010, Jelsoft Enterprises Ltd.
vBulletin language developed by : Almuhajir
جميع الحقوق محفوظه لشبكة الجوارس العربية © 2003 - 2009
 |
 |
 |
