التعدااااااد

القطة الحلوة · 17-09-04, 08:29

في حارتنا انواع العينات بحكم اننا في العاصمه .. وسبحان الله مدري كيف اجتمعت
المفاهيم و العقليات رغم اختلافها .. اعلن عن التعداد السكاني وانقلبت حارتنا
الهادئة فوق حدر حسب العقليات وانواع المتاريس والحصون واللمبات الحمر مولعه

البيت الاول
بيت ابو سليمان والذي كان مؤيد لفكرة " التعدد " لكن ام سليمان الله يهديها كانت ترفض هالفكره
وتحارب وتندد ودايم تجي في بيتنا تصيح وتدعي على من اخترع قرار التعدد بينما حنا نفهمها انه مهوب
تعدد والصحيح هو تعداد .. لكن الله يصلحها من العجله تاخذ طرف السالفه وصلهم موظف التعداد الساكني
وطق الباب ردت ام سليمان لانها من بداية هالقرار وهي ماتتعدى هالباب تخاف يجون ويزوجون ابو
سليمان وهي ماتدري من عند الباب قال الموظف معك موظف التعداد ياخاله وجايين نحصر اللي
في البيت قالت له والله ان ماتقلعت عن الحاره اني لا اطلع عليك واسوطك بالعصا ياللي ماتخفون الله ..
وهاتك دعاوي ومشاهق .. لين ماداخ راس موظف التعداد وهج ..

البيت الثاني
بيت جارنا سعيد حسونه وكان هو المثقف الوحيد بالحاره لانه كان يلبس نظارات
بس جعله مايسولف عليك ، مسك موظف التعداد وقام يهذر فوقه ويعطيه تاريخ العائلة
لين ما ابترم راس الموظف الضعيف وهج من عنده بلا تعداد

البيت الثالث
بيت شليويح سواق باص خط البلده وصل عنده موظف التعداد وقاله الله لايهينك ودنا تعطينى
التابعيه خلنا نسجل البيانات قاله شليويح يابعدي عندي ثلاث ايهم اللي تبون . قال موظف التعداد
وليه مطلع ثلاث قال شليويح وحده للسلاح والثانيه للشونه والثالثه للتقاعد

البيت الرابع
رافضين فكرة التعداد نهائيا بحجه انه يكشف عورتهم ويعرف اسماء بناتهم وحريمهم جاهم موظف
التعداد طق الباب عليهم سلام وعليكم السلام معكم موظف التعداد طالع فيه ابو صالح وقاله ماعندنا لك
شي الله يرزقنا ويرزقك .. قاله الموظف يابن الحلال ماجيت اشحد انا جاي احصر كم عدد الموجودين في
البيت قاله طيب وش بغيت قال الموظف كم عدد الموجودين في البيت ؟
قال ابو صالح : عددهم معي انا وام صالح 13 نفس قال الموظف وكم عدد الذكور : قال سبعه
وعدد الاناث ؟ هو قالها والا ماقالها العقال ملين على ظهره

تم استخدام الهيلكوبتر علشان يعدون افراد اسره ابو صالح .. وكل ماطلع احد بالحوش
موظف التعداد يقول لاخويه قيد عندك طلع واحد وخويه يطالع ويقوله لا هذا مقيدينه قبل شوي
شوي والا ابو صالح يرفع الشوزن من السطح وطاااخ على الهيلكوبتر وقد علق على هالحادثه وقال
منقاش مهوب اطيب منا يوم يطيح اباتشي
نتائج التعداد السكاني

بعد الكرف والمشوره والهيصه الاعلاميه وتشغيل كادر بشري علشان هالمهمه
في النهايه طلعوا بنتيجه وحده الا وهي
مو لازم نعدهم

منقوووووووووووووووووووووول

بزبوز · 17-09-04, 08:58

كخخخخخخخخخخخخخخخخ القطة الحلوة

تصدقين ان اول تعداد صلحته الحكومه .. كان الناس يحسبون الحكومه تبي تعرف عدد الاسر عشان توزع عليهم فلوس ..... خخخخ انا اخبر ان جدي زمان يوم جاء عنده حق التعداد ... قال جدي عددنا 17 نفر خخخخخ وهو نصاب ما غير هو وجدتي والخدامه ... وعاد لا تسألوني عن الاسامي اللي حطها جدي على اساس انهم عياله...خخخخخخ

يعطيك العافيه يا ئطة ... وكثري زيارات .

القطة الحلوة · 18-09-04, 04:47

انت عارف ان الوالد الله يطول عمره للآن يفكر نفس التفكير هادا

متعشم انهم يزودوا راتبه

ههههههههههههههههههههههههههههههه

العميد · 18-09-04, 08:14

هههههههههههههههههههه

يازينها مع الفجريه .. خخخخخخخخ

القطه .. يعطيك العافيه .. ونستيني

بوبو .. والله من بعد ماتعدي السكران .. تحس انك في مصر خخخخخ

بايووو

اسير عيونها · 18-09-04, 01:32

القطه الحلوة

اقتباس:

البيت الثاني
بيت جارنا سعيد حسونه وكان هو المثقف الوحيد بالحاره لانه كان يلبس نظارات
بس جعله مايسولف عليك ، مسك موظف التعداد وقام يهذر فوقه ويعطيه تاريخ العائلة
لين ما ابترم راس الموظف الضعيف وهج من عنده بلا تعداد

<<< يشبهني اذا جيت اتفلسف

يعطيك العافيه يا قطه على النقله الحلووووة ،،

بس والله فكرررره المفروض بزبوووز يسوي لنا تعداد ،،

قاصد خير · 18-09-04, 03:00

هههههههههههههههههههههههههههههههههه

كله ولا سالفة بو صالح الله يعطيه العافية، وحكاية العقاااااااااااااااااااااااااااااااااااااااااال

شكراً على المشاركة الجميلة.
تحياتي لكي.

القطة الحلوة · 18-09-04, 04:57

اقتباس:

والله من بعد ماتعدي السكران .. تحس انك في مصر

ايش دخل مصر ومين السكران ؟؟؟

القطة الحلوة · 18-09-04, 05:00

اسير عيونها

يعني راح تطير موظف التعداد

الله يعينه مسكين
يبغاله ياخذ بندول قبل ما يجيك

القطة الحلوة · 18-09-04, 05:01

قاصد خير
عاد لاتسوي زيه

العميد · 18-09-04, 06:26

اقتباس:

ايش دخل مصر ومين السكران ؟؟؟

بزابيزوا يعرف

أسألووووووووووووه

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

إعلانات مجالس شبكة الجوارس العربية

الذين يشاهدون محتوى الموضوع الآن : 1 ( الأعضاء 0 والزوار 1)