~*¤®§] قـرنـفـل ورحـلـة الـمـعـانـاة [§®¤*~

[شـــــــول]

السلام عليكم ،،

كيفكم أن شاء الله بخير ،، ..

لي قرن مسجل بالجوارس لكن لامشاركات ولا مواضيع

فمستحي منكم:54: خصوصا ً من أخوي الغالي الوافي يابعد

تسبدي هو ..

جايب لكم سالفة من بنات أفكاري .. أتمنى أنها تعجبكم ..

واوعدكم بالمزيد من المواضيع على مختلف المستويات رجة

وخواطر وتصميم كل شي عندنا متوفر .. نبدا السالفة ولاتدققون

كان يماكان في قديم الزمان رجل يدعى قرنفل .. قرفل صاحبنا هذا من أقبح الرجال شكلا ً كان وجهه

كأنه كورة بلاستيك ضاربتها الشمس لسنوات ..! له لحية كثة وشنب عريض وثيابه رثه وعمره ماوداها

مغسلة مع اني مدري إذا كان عندهم مغاسل ذيك الأيام ..

كان في الثلاثينات يعني سن الطبل الزمر .. وكان أمنية حياته أنه يتزوج بأي فتاة

بس يتزوج لكن المصيبة أنه كل فتاة تشوفه يجيها حالة اللي سكتة قلبية واللي انهيار عصبي فيضطر

الأب يمسكه مع رقبته ومع الباب .. وكان المسكين ينزل راسه بالأرض ويبكي مابيده

حيله .. راح لأخوياه وقال لهم قصته وضحكوا عليه وزاد همه هم .. لكن بماأنهم اصدقائه قرروا

يساعدونه .. قالوا لازم تضبط شكلك تحلق هالحوسة اللي بخشتك وتضبط عمرك ومن ناحية تشوية

الوجه نعرف طبيب عنده عشبة تعجن مع الماء وتصير مثل العجين وتلين الجلد ويصبح مرن ويتشكل

على الشكل اللي تبي فرح قرنفل قال والله أنكم فلة ياعيال عشاكم اليوم عندي تبولة ومشاوي قولوا تم

قالوا له بصوت واحد تم ياقرنفل كفو يالنشمي .. لما صبح الصبح راحوا للطبيب طبعا ً الطبيب جاه مغص واحتقان يوم

شاف قرنفل لكن الحمد لله بلعها آخر شي وقبل الوضع .. قال الطبيب ياقرنفل شف أنا مستعد اسوي لك

اللي تبي لكن بشرط وجهك لايلمس لمدة شهرين لانه بيكون لين ويخرب من أي لمسة .. قال موافق

ووقع الأوراق بحظور المحامي [ طليحس ابن الأقرع ] ..

طبعاً خيره الدكتور .. قال وش تبي شكلك وائل كفوري ولا ريكي مارتن قال لا دكتور ممكن هذاك اللي بفلم

تايتنك قال الدكتور والله ماشفت الفلم اسمح لي دور لك غيره .. طيب دكتور أبي مثل الأطخم [ عكرمة

ابن طفحلة ] خطيب [ سودة ] ام كشة بنت جيراننا ..

وبدت العملية .. وبعد 8 ساعات و 7 دقائق خرج قرنفل .. وقال له الدكتور لا أوصيك تقعد

تلمس وجهك تراني قلت لك وهذي الفاتورة رح سدد عن الإستقبال وترا مافي خصومات ..وبعد ثلاث أيام ظهر قرنفل بوجهه

الجديد من أجمل وأوسم الرجال شعر ناعم حرير إذا ركب الخيل بدا شعره يلعب يمين ويسار من

النعومة وعيونه وساع وعسليات ورمش كثيف كأنه مكحل وهالخدود كانها خوخ .. ورجع للقرية اول مادخل

أغمي عليهن البنات من جماله .. { ياربي عليهن بس يغمى عليهن يوم هو قبيح ويوم هو جميل بلشنا

بهن من جد } .. عاد هو خربها شوي صار مغرور ويوقع على أوتوغرفات للمعجبات وجحد اخوياه ..

قالوا له تخبر يوم ناكل تبوله مع مشاوي يوم يغص خوينا طلحة وتجيب له ماء من القربه .. قال لا

ماأذكر .. صار اكبر نذل ..

وبدا رحلة البحث عن زوجة وتغيرت شروطه أول يقبل بأي بنت الحين لازم مكمله تعليمها ومعها شهادة

والطول لايقل عن 165 والوزن لايزيد عن 60 .. وشعرها لازم يكون خصل ..

وتجيد الطبخ معجنات ومحاشي وغيرها ..

وبعد جهد جهيد حصل وحدة تطبق عليها كل الشروط ناقص شرط واحد لكن مع الإقناع والإلحاح

وافق أخيراً .. الشرط الناقص أن وزنها 60 كيلو و800 غرام .. لكنها وعدته بأيام الخطوبة تسوي ريجيم

قاسي ..

أخوياه طلحة والشلة مانسوا نذالته وقرروا ينتقمون منه .. وعرفوا نقطة ضعفة بعد ماكفخوا

الدكتور واعترف لهم وهي لمس الوجه

فقرروا يخربون وجهه .. نام قرنفل طبعا ً ماينام الا على أم كلثوم ومعه مخدة على شكل قلب حب

بعد مانام على الساعة 2 وربع لا أستغفر الله على الساعة 2 وثلث طبوا عليه وكتفوه قالوا هلا والله

بالنذال قرنفل اجل ناوي تتزوج يالحلو .. وبدأوا عملية التخريب اللي دخل اصابعه بخشمه ورفعها لفوق

واللي قعد يكتب ذكريات على جبهته .. لين صار صلصال وكملوا الناقص وكبوا قاز على شعره قالوا خلها تنفعك

نذالتك وطلعوا وخلوه وقعد هو يصيح ورجعت همومه وجاه احباط حاول ينتحر ويعدل بشكله بس خلاص

خرب .. ضاعت أحلامه وعرف ان خطيبته بترفضه .. وقبل بالأمر الواقع .. وراح لبيت ابوها

وقال له عن سالفته من بدايتها .. غضب أبوها وقال اطلع من بيتي ياغشاش مسوي رومانسي وانت

أكبر بكاش قام قرنفل يمشي للباب كله احباط .. قبل مايطلع سمع صوت رقيق يناديه .. قرنفل .. أنا حبيتك

لروحك مو لشكلك أنا حبيتك من أول قبل تسوي العملية لكن أنت ماانبهت لي ولا لإهتمامي فيك لكن

الحين أقولها لك أنت فارس أحلامي .. قرنفل جاه صدمة عصبيه على عاطفية قلبه بدا يضخ دم بالعكس

ماصدق وصرخ صرخة عاااااااالية من الفرح بعدها حس بألم براسه ..! طلع خويه طلحة ضاربه بالكاس

يقول ازعجتنا كل يوم تحلم خلنا ننام ..!!

كل هذا وطلع حلم حتى وأنا اللي كاتبها جاني أحباط .. ياناس دوروا له على عروس وفكووونا .. !

يفضل عدم اللطش لأسباب سياسية حيث صرح مصدر مكفوخ أن

قرنفل له علاقة بالـ Fbi يعني أبلع العافية ..

أرق تحيه ،،

شـــول

[عروبه]

هههههههههههههههههههههههاي الموضوع رهييييييييييييييييييب ياشول وانا سعيده اني اول من رد