المساعد الشخصي الرقمي

مشاهدة النسخة كاملة : لعبة الألغاز ......تحدي بين الأعضاء

أبـو سالم
15-03-06, 05:35
السلام عليكم ورحمة الله وبركاته

أحببت أن أضع هذه اللعبه وهي عبارة عن ألغاز توضع في هذا الموضوع وبعد كل حل لغز يوضع اللغز اللي بعده وأي لغز يوضع قبل أن ينحل اللغز اللي قبله سوف يتم حذفه

وراح ابدى معكم بلغز أغسلو ايديكم اذا أحد حله:nono:


ما هو الشيء الذي ؟


(في الليل يرتاد القبور)

(وفي النهار يدخل القصور)

(تهابة الملوك) (ويخاف منه الرجال)

(ويحب النساء) (وتلعب به الاطفال)

(له وبر وشعر) (طعامه الملح والتمر)

تحياتي :d
العميد
15-03-06, 05:57
والله اني غاسل ايدي بكلوركس بعد

شف غيره انا فداك
بقايا انسانة
15-03-06, 03:54
يلة يا سحالي فكرو معي
وجــ القمر ــه
16-03-06, 12:38
والله اني افكر فيه من الصبح
بوسالم ,,, ممكن تسهل اللغز شوي ,,, مساعده بسيطه :helpsmilie:
Lumière de vie
16-03-06, 03:02
مافيه امل بقايا
ابو سالم ممكن تغيره مررره صعب
ههههه او حط خيارات


قمر
عبير
16-03-06, 03:36
ابو سالم...


مافيه خيارات
وجــ القمر ــه
16-03-06, 03:55
وش خياراته يا سحالي ,,,
لالا كذا بنزعل من بعض ,,
اذا حنا نبي خيارات اجل هالتماسيح وش باقي لهم
حنا ذكيات
بوسالم ولا عليك امر ,, مجرد مساعده بسيطه لا اكثر
بس خيارات نووووو :nono:
عبير
16-03-06, 05:06
ابو سالم..



عرفت الجواب:first:

:yahoo: :yahoo: :yahoo: :yahoo: :yahoo:


بس ماراح اعلم احد :nono:

خلينا نشوف الاجابات
روح المســــكـ
16-03-06, 05:12
:2: ابوسالم فديتك خيارات او حتى جزرات دخيلك
وجــ القمر ــه
16-03-06, 12:59
عبيـــــر
قولي الجواب اللي عندك وفكينا من هاللغز ,,, هذا اذا كان الجواب صح
بقايا انسانة
16-03-06, 04:05
يا بعد قلبي يا عبير ادري عنك ذكية طالعة على السحالي
أبـو سالم
16-03-06, 07:24
هلا بكم جميع

والله الخيارات مافيه

بس يمديكم تتصلون على صديق


او مساعدة التماسيح


ننتظر الجواب

واشكركم على تفاعلكم

واعتذر في تأخري بالرد

لإنشغالي

وان شاء الله راح نتواصل

تحياتي
ليدي
17-03-06, 02:41
[فقط الأعضاء المسجلين والمفعلين يمكنهم رؤية الوصلات]

والله انها حالة :)

تعبت وانا أسأل وادور:(

بس وراها وراها لغاية ما القاها ...


الف شكر ابو سالم ...



تحياتي
الوافي
19-03-06, 04:38
السلام عليكم ورحمة الله وبركاته

هلا بك اخوي الغالي / ابو سالم

الإجابة هي :

المزن يعني السحاب الممطر



وهذا اللغز قيل بأسم الشيخ /

محمد بن راشد آل مكتوم ، وهو لغز غريب عجيب حير العالم والعلماء حقاً ، وقد تحدى به ابن مكتوم العالم والعلماء أن يقوموا بحله ، وإلى هذه اللحظة لم يقم بحله سوى اثنان وهما : الشيخ عبد المجيد الزنداني وزميل له في التدريس ، حيث عرض على الشيخ الزنداني وزميله فاستطاعا بتوفيق من الله أن يحلاه فطلب منهما ابن مكتوم كتم ذلك وترك الفرصة للغير لكي يثبتوا جدارتهم وقدرتهم العلمية على حل مثل هذا اللغز العلمي ،



اللغز كما ذكر على لسان الشيخ محمد بن راشد ..


قولك في شيء يطير بغير جناح يبيض ويفرخ في البراري رأسه في ذنبه وعينه موقع قدمه يسمع بإذن واحده ينظر بعين زائدة يعجب من ينظره يصلي يومه إلى الليل يسجد ليله إلى نجم سهيل يتقرب به الملوك إلى خالقهم واليهود والكتب المنزلة به شهود وريشه كثير ووبره غزير طعامه الجوز والعسل به يضرب المثل في الدنيا شرابه اللبن والخمر يكره النسوان ويهوى الغلمان تحمل الأثقال وهو ضعيف يفترس الأسد وهو غني عن الطلب وإن طلب هلك يطوي الأرض في ساعة بلا حاله ولا بضاعة تعرفه الملوك وتنكره ويفهمه السوق وتخبره يسكن في النهار بالقصور ويأوي في الليل في القبور يبكي على الأحباب ما ملكه بشر ولا زوجه أنثى ولا ذكر تلعب به الأطفال ويتلى في سورة الأنفال يصلى ويصوم ويقعد ويقوم وخلقته لا تحصى وصنعته لا تستعصى .



واصل اللغز من كتاب اسمه الاحاجي والالغاز من تأليف الاحيدب سعودي الجنسيه ، فريق او لواء متقاعد سنة 1375هـ الموافق 1955م والكتاب قديم جدا ..


شرح مفردات اللغز :


ما قولك في شيء يطير بغير جناح ( عندما يتصاعد للسماء على شكل بخار)

يبيض ويفرخ في البراري ( يبيض يعني يولد سحب اخرى)

رأسه في ذنبه ( الصوعق والبرق والرعد )

وعينه موقع قدمه ( حينما يمطر يكون المطر من اسفل السحاب والمطر تعني الدموع )

يسمع بإذن واحده (السحابه هي وحده وكلها اذن )
ينظر بعين زائدة ( اكيد تنظر بعين زائده في عندما يضي البرق)
يعجب من ينظره ( وفيه احسن من المزن لما تشوفها )
يصلي يومه إلى الليل ( السحب تصلي لله )
يسجد ليله إلى نجم سهيل ( اذا وصل سهيل جاء الخير )
يتقرب به الملوك إلى خالقهم ( كل يتقرب لله من النعمه التي جاءت من الامطار )
واليهود والكتب المنزلة به شهود ( المطر والسحب مذكوره بالكتب السماويه )
وريشه كثير ووبره غزير ( تعني اطرافه وشكله العام )
طعامه الجوز والعسل ( يعني اذا جاء المطر يهل الخير على ارجاء الارض ويكثر اكل الجوز والعسل والعسل يعني تتفتح الزهور والربيع وتجي النحل وتمتص رحيقه )
به يضرب المثل في الدنيا ( فيه امثال انا لااعرفها تضرب بالمطر والمزن وهي كثيره )
شرابه اللبن والخمر ( المقصود فيه اذا جاء الخير يعني المطر كثر شراب اللبن والخمر من محتويات التمور والزبيب والخ )
يكره النسوان ويهوى الغلمان ( تعني انه يحب نجم سهيل وهو مذكر )
يحمل الأثقال ( الاثقال هو كمية الماء فيه )
وهو ضعيف يفترس الأسد ( هو ضعيف لانه على شكل بخار ولكن ممكن يغرق الاسد او يفترسه بالصواعق)
وهو غني عن الطلب وإن طلب هلك يطوي الأرض في ساعة بلا حاله ولا بضاعة (طبعا غني عن الطلب واذا طلب يعني امطر تصير فياضنات ويطوي الارض بساعه بلاحاله ولا بضاعه هذا مؤكد اليوم تشوف السحب باحد الدول بعد ساعه تلقاه راح بلد اخر )
تعرفه الملوك وتنكره ( معروف عند الملوك والعامه وتنكره في حال الصواعق والفياضنات)
ويفهمه السوق وتخبره ( كل اللي بالسوق تتسائل عن الامطار )
يسكن في النهار بالقصور ( عادة بالنهار تشوف المزن على شكل قصور )
ويأوي في الليل في القبور ( عادة الامطار تجي بالليل وتسيل السيول ويصير المطر تحب الارض يعني مثل القبور)
يبكي على الأحباب ( يعني المطر مثل الدموع لما تنزل على القبور والاحباب الاموات)
ما ملكه بشر ولا زوجه أنثى ولا ذكر ( السحب ماحد يملكه الا الله )
تلعب به الأطفال ( لما ينزل الثلج المطر على شكل ثلج عادة الاطفال تلعب بالثلج )
ويتلى في سورة الأنفال ( المزن يعني السحاب مذكور في سورة الانفال )

يصلى ويصوم ويقعد ويقوم وخلقته لا تحصى وصنعته لا تستعصى ( السحب تصلي لله وتصوم عن الامطار ويقعد ويقوم عند التبخر من البحار وخلقته لاتصحى على اشكال كثيره كذلك صنعته لاتستعصى على الله سبحانه وتعالى )


هذا والله اعلم
الوافي
19-03-06, 04:46
السلام عليكم ورحمة الله وبركاته

لغز للذكياء فقط .. يعني هنشي لا يجاوب عليه ..
عشانه حله اول ما قلته له .. فممنوع يدش الموضوع :d .. :read:

اللغز :

" سأل قاضي رجل ما إسم زوجتك فقال الرجل ساره
فقال القاضي وما إسمك فقال الرجل ضعني بعدها فعرف القاضي إسم الرجل "

السؤال : ما اسم الرجل وكيف عرف القاضي ..!؟

دمتم بخير

ممنوع الغش :d

الوافي
العميد
19-03-06, 04:54
.

اجاوب والا اخليه لغيري من الاذكياء :d

مابي احرقه عليكم فكرررروا ..

.
العميد
20-03-06, 06:36
بعد انتظار لأكثر من 24 ساعه .. قلت مالك الا تكتب الجواب .. :)

الجواب كان في رد الرجل وطبعاً اسمه هاني

كيف ؟

الرجل اجاب الشيخ بقوله : ضع ( ني ) بعد ( ها )

طبعاً اذا وضع ( ني ) بعد ( ها ) يصبح الاسم ( ها ني )

وسلامتكم ..

.
بقايا انسانة
20-03-06, 06:07
مشاء الله عليك يا العميد شكل فيك ذكاء خارق
عاد حط لغز يا ابو الشباب
العميد
20-03-06, 08:56
ايه نسيت اكتب اللغز

بنشدك عن بنت تذبح الناس بغلاها،
ومن غلاها تذبح النفس الشقية،
شايله شايب شجاع في حشاها،
والشايب ميت في بطنها والبنت حية؟

وشو الجواب ؟!
هنشي
20-03-06, 09:34
اعتقد انها الخمسمائة ريال سعودي

والله اعلم

رغم ان الوافي ما يبغاني ادخل هالقسم

هههههههههههههههههههههههههه

عموما اذا صح قولي عشان احط لغز

تحياتي
عبير
20-03-06, 10:24
فكرت...




وفكرت...




وفكرت....



اعتقد ان الحل الامارات...



(( أبنشدك عن رجل من دون رجلين

وله عند الناس قدر وشيمه .......

اسرع من الهاتف ومن رمشه العين


ولا هو ظالم ولا يحب الظليمه ))



سهل صح



عبير
هنشي
20-03-06, 10:46
انا احتج لا يجوز تحطين لغزك حتى يتبين من فينا اللي جوابه صح

صح والا انا غلطان

<<<<<<------------- راسه يابس
عبير
21-03-06, 12:31
هنشي لا تحتج ولا شي


انا متاكده انو جوابي صح وانت الغلط


<<<<<<<<<<راسها ايبس



وينك يا لعميد احكم بينا


هنشي

وريني شطارتك وحل اللغز


تبغى اغششك!!!؟؟؟
بنت الرياض
21-03-06, 12:53
مرااااااااااااااااحب
وين اللغز دااااااااااااخله بكل قوتي وجايه أفحط

بسرررررررررعه مدامني متحمسه
هنشي
21-03-06, 02:32
طيب نسويها تحدي يا عبير اذا كان اللي جوابه صح بيني وبينك هو اللي يكنس المنتدى اليوم <<<<--------- اليوم عليه الدور في التنظيف

خخخخخخخخخخخخخخخخخخخخخخخخخخخ
بنت الرياض
21-03-06, 12:00
هههههههههههه بسررررررعه وشو الجوااااب

ياعالم ياهووووووووو الهلال هزمووووووووه<<<متأثره الأخت بس بتتعوض
هنشي
21-03-06, 08:14
وما زلنا بانتظار العميد

الله يخارجني من العميد
العميد
22-03-06, 05:29
اعتقد انها الخمسمائة ريال سعودي
والله اعلم
رغم ان الوافي ما يبغاني ادخل هالقسم
هههههههههههههههههههههههههه
عموما اذا صح قولي عشان احط لغز
تحياتي

ميه الميه هنشي

حط سؤالك توكل
هنشي
22-03-06, 05:42
وهياااااااااااااااااااااااااااااااااا

وعلى عبير تكنيس المنتدى

خخخخخخخخخخخخخخخخخخخ

المهم عندي لغز حلو يبيله تفكير شوي

انشاء الله يكون سهل عليكم

وهو لغز وما فيه تلاعب في الكلام

اوكي بابدا في اللغز

------------------

ثلاثة اشخاص محكوم عليهم بالاعدام

استدعاهم القاضي وقال لهم :

انا بسوي لكم امتحان اذا عداه واحد منكم

راح افرج عن الجميع

فسألوه وشهو الامتحان

قال لهم :

انا بوقفكم ورى بعض زي الطابور

الاخير يشوف الاثنين اللي قدام وهم ما يشوفونه

واللي في النص يشوف الاول بس

واللي قدام ما يشوف اللي وراه

مزبوط

وبجيب اربع مناديل

كل منديلين بلون " خلينا نقول منديلين باللون الاحمر ومنديلين باللون الاخضر "
قال القاضي واحد من هالمناديل راح اشيله واحرقه بس ولا واحد راح يعرف المنديل اللي احرقت وشهو لونه

يعني احتمال يبقى منديلين حمر وواحد اخضر او منديلين خضر وواحد احمر

وراح احط فوق راس كل واحد فيكم منديل

والامتحان يقتضي منهو اللي بيعرف لون المنديل اللي فوق راسه

طبعا فيه واحد عرف لون المنديل اللي فوق راسه بس سؤالي لكم منهو اللي عرف وكيف ؟ ؟ ؟


ملحوظه

كان ممنوع عليهم ان يتكلمون مع بعضهم
العميد
22-03-06, 06:03
:yahoo:

أكيد ولا واحد

ومافيه احد نجح من الامتحان

وكلهم سيدااا عالاعدام
هنشي
22-03-06, 06:12
لا فيه يالذكي

هههههههههههههههههههههه
شمس
25-03-06, 02:25
ابقول الحل الي عندي بس ماني متاكده وهو
الاخير هو الي يعرف لون المنديل لانه يشوف الي قدامه
روح المســــكـ
25-03-06, 07:15
الاخير طبعا لانه شايف المنديلين اللي فوق راس خوياه
¨°o.O شموخO.o°¨
25-03-06, 12:41
الثاني
من الخوف خَمن اللون
<<ذكيه :45:
أبـو سالم
25-03-06, 03:42
مشكور هنشي على اللغز

<<<---جاري التفكير

لي عودة بالحل اذا عرفته


تحياتي
هنشي
27-03-06, 10:00
شمس وروح المسك

معليش وجوابكم خطأ اقولكم ليش

لان كلامكم صح لو كانوا المنديلين اللي على الاثنين اللي قدام بلون واحد بس احتمال يكون لونين مختلفه وراح يبتلش ما يقدر يعرف لون المنديل اللي على راسه
هنشي
27-03-06, 10:02
شموخ

الدعوه ما فيها تخمين

المساله ان فيه واحد بيجاوب وهو متاكد ميه بالميه

وانا يهمني انك تقولون لي كيف عرف قبل ما تحددون من اللي عرف

وعموما اذا ما عرفتوا قولوا لي اعطيكم الحل

تحياتي
هنشي
27-03-06, 10:03
ابو سالم

اتمنى لك التوفيق

مع العلم يا اخوان جتني طلبات كثير اني اعطيهم الحل عشان يجاوبون وانا رفضت صراحه للأمانه <<<<<<-------- عندي احساس انك نصاب
عبير
27-03-06, 11:17
هنشي....


عرفت الحل...


اللي في النص هو اللي عرف...


ولا تسالوني كيف....


لاني ما بحبش اقيب في حد....
الوافي
29-03-06, 01:28
السلام عليكم ورحمة الله وبركاته

وش عندك يا هنشي محجر لهم ..:busted_red: <<< وش رايكم بالنجدة

اقول يادب .. تراك طولتها .. عجل عطهم الحل ..!!
لا اجيك اطب ببطنك ..:marsa198:
لا ارجع والقاك ناشب لهم .. :doh:

<< ماعرف الحل بس قد سمع فيه ويعرفه
متعيجز يحله .. :tutfx:

تحياتي لكم ترليون

فمان الله
بنت الرياض
30-03-06, 01:22
خخخخخخخخخخخخخخخخ

بس نبي الحل أخ بالله

قبل لا أعصب هع هع
هنشي
31-03-06, 12:49
صراحه طلعتوا مااااااااااااااااااش

عموما بعطيكم الحل

بالتفصيل


لو مثلا قلنا الاول مستحيل لانه ما يشوف احد

والثاني هو اللي عرف وبقولكم كيف

هو قال بينه وبين نفسه لو ان اللي وراي شاف المنديل اللي فوق راسي وراس اللي قدامي لونهم واحد كان عرف ان المنديل اللي فوق راسه هو اللون الثاني مثال

لو ان الاخير شاف المنديلين اللي قدام كلهم خضر من الطبيعي ان اللي فوق راسه احمر

عشان كذا قال اكيد ان المنديل اللي فوق راسي ما يشبه لون المنديل اللي قدامي عشان كذا اللي وراي احتار

وبكذا عرف الحل


عموما انا ما عندي لغز ثاني الحين

بس اللي يرد اول واحد بعدي له الحريه يحط اللغز

تحياتي
روح المســــكـ
31-03-06, 01:20
هنشي مع اني مافهمت تفسير حل اللغز بس حبيت اقولك يسلمووووووووو
روح المســــكـ
31-03-06, 01:22
ممكن احط لغز ؟
الوافي
01-04-06, 09:40
السلام عليكم ورحمة الله وبركاته

الف شكر لك ياهنشي ..فكيتنا من اللغز اللي يفر المخ :d


يالله عندك يا روح المسك الدور

هاتي اللغز ..!!

ننتظرك

الوافي
روح المســــكـ
01-04-06, 12:53
السلام عليكم ورحمة الله وبركاته
بما اني كريمه جدا في كل شي ماعدا الفلوس
باحط لكم لغزين واحد للاذكياء وواحد للي مو مره
<<<< وحده ذوق ماتبغا تقول للاغبياء :S_019:
اللغز الاول : بانشدك عن بنت لها قيد ورباط
تنزف غزير الدمع لحظة غرقها ؟؟؟؟؟؟؟؟؟؟ الثاني يقول : انشدك عن بنت لها زوج يحب الرجاجيل واذا بغى دخل عليها صديقه كثير من يمسي مع البنت في الليل وفي النهار البنت تصبح عشيقه؟؟؟؟؟؟؟؟؟؟ فكروا زين :S_019: وركزوا وراح تلقون الاجابه سهله
( حشى مسلسل مدبلج مو لغز )
يلا وين الاذكياء ؟
الوافي
01-04-06, 04:12
روح المسك ..

ابي اجاوب الاول :


بانشدك عن بنت لها قيد ورباط=تنزف غزير الدمع لحظة غرقها


الجواب :

أكياس الشاي

واللغز الثاني اجابته عندي ..

اذا ماحد حله ولا قولوا لي ارجع احله :d << واثق الاخ .

تحياتي لك
¨°o.O شموخO.o°¨
01-04-06, 07:53
يااالله
خساااااااااااااااره
سبقني الوافي
<<احلفي
بس خلوني اوضح الحل بشكل أكبر
أكياس شاهي العروسه
يعني لا ليبتون ولا بنتليز ولا الربيع
لانك قلتي بنت
<<ذبحها الذكاء:read:

والثاني
أعطي الفرصه للباقين مااحب أكل الجو على غيري :marsa194:
وجــ القمر ــه
01-04-06, 09:49
روح المسك ,,


بأي لغة تكتبين انتي :d


<<< بتنضرب


والله اني ذكيه وافهمها على الطاير ,,, بس مدري ساعات اغرز مدري وش يجيني

اقول ورا ما تغيري ذا اللغز وانا اعطيتس بداله :d


<< اطلعي برااااااا
عبير
01-04-06, 09:56
روح المسك


عرفت الحل بس مدري صح والا غلط


الحل هو دله القهوه
روح المســــكـ
01-04-06, 10:42
:marsa198: الوافي جوابك صـــــــــــــــــــــــــــــــــح :first:
شموخ الله يجازيك ضحكتيني حلو توضيحك
وجه القمر لغه كانو يستخدموها الناس في العزائم والولائم :bomb: ( يعني باي لغه يعني ) وانك ذكيه مو شي جديد :S_019:
عموما اعتبري اللغز انحذف وليكي الدور
<<<<<<<< صارت الاخت تعطي ادوار
عبوره ياعسل انتي ياذوق يا11111111رب دايم اشوفك في هالاقسام الترفيهيه ( فكيها بقه ) :S_019:
اجابتك صحيحه دلة القهوة :second:
ومنورين يالغاليين
روح المســــكـ
02-04-06, 12:36
على فكره :2:
الوافي
عبير
شامه ريحة قوقل بالموضوع
هنشي
02-04-06, 10:08
هههههههههههههههههههههههههه

اما قوقل

طيب وين اللغز
فارس عزمي
04-04-06, 12:13
ابو سالم حضر لغز ثاني لحين ما احل اللغز الموجود ههههههههههههههههههههههههههههههههه
عبير
10-04-06, 10:30
مافيه لغز اليوم فيه سؤال جدا سهل ركز في الصوره...

كم وجه في الصوره ؟


[فقط الأعضاء المسجلين والمفعلين يمكنهم رؤية الوصلات]


تحياتي


عبير
المشاكسة
10-04-06, 05:38
أعتقد والله أعلم إنه فيه 8 وجوه والله أعلم
حمزه واعزيز
13-04-06, 04:41
سهل يا عبير
عبير
14-04-06, 11:13
حمزه و اعزيز

حل اللغز هو العمر

حاول انك تحل اللغز اللي فوق
الخدوم
14-08-06, 05:36
السلام عليكم
12
الغدير
08-09-06, 01:43
طيب وانا موطالعة عندي الصورة
ابو محمد
26-01-07, 02:35
السلام عليكم ورحمة الله وبركاته

ما اتيت الى هنا للتحدى

ولكن اردت ان ارى من الذي سياتي بالحل بسرعه



ابنشد العاقل عن شي سجين=ما يمل السجن لو طول مداه

لان سجانه وهو عيا يلين = الردي خلاه والطيَب قــــــواه
ابو محمد
26-01-07, 02:45
السلام عليكم ورحمة الله وبركاته

سؤال لخبيري الرياضيات

بيدي طبق وبه بيض اتاني ثلاثة اشخاص فاعطيت :-


1 الشخص الاول نصف الطبق ونصف حبه
2 الشخص الثاني نصف باقي الطبق ونصف حبه
3 الشخص الثالث نصف باقي الطبق ونصف حبه

اتضح لي انه لم يبقى شي في الطبق بعد ما اعطيت الشخص الثالث

ملاحظه : هناك شرط عدم كسر اي بيضه ( اي ان العدد لابد ان يكون فردي)

السؤال : كم كان عدد البيض في الطبق .؟
"بيـــــــــــاض الثلج"
26-01-07, 06:35
ألغاز .. ألغاز .. ألغاز

لحظه بس بروح أجيب الحل واجي :d


أبو محمد لغزك صعب عطنا خيارات لو سمحت << بليده في الألغاز:mass11:
صمـ الغروب ـت
26-01-07, 09:51
وعليكم السلام ورحمة الله وبركاته


أخي الله العاااالم


أنه السان