شركة الامتصاصات وخمستهم الجديده

[بزبوز]

وفق خطّه بأعتقادي انها مدروسه وبعنايه ... لأستغلال بعض ممن أنفقعت مرارته من هالصفر (( الله لا يحييه )) ...
سمعنا ان شركه الامتصاصات (( كما اسميها انا )) .. قررت ان تضيف رقم ( 5 ) بدلاً من صفر القراده وذلك برسوم حوالي خمسه وعشرين ريال ...

الموضوع كلّه موب بالخمسه والعشرين ... ولا بالحوسه ذي كلها ..
الموضوع اللي محيّرني ... انا شريحتي فيها أكثر من 100 أسم ... والجهاز فيه مثلهن أو أكثر ...
وشلون اعرف اللي مضيّف الصفر .. او الخمسه ؟ ... او وشلون افرّق بينهم ؟ وهل ينطبق هالكلام على حمله شرائح الاتصال المدفوع (( سوا ))

يعني لا بغيت ادق على خالد ولد عمتي عفره ... ابسأل نفسي ... هو (( 050 )) .. او (( 055 )) ..

للي عنده فكره عن الحل او .. له راي بالموضوع يشاركنا لاهنتوا ... وتقبلوا تحياتي محدثكم ...


بزبوووز

[اسير عيونها]

اهلين بــــــزبــــوز باشا


والله ومن سمعك ،، كلنا صدورنا مفقوعه

بس الحمدلله ،، قريت في جريدة الاقتصاديه

بأنهم بدأوا بالغاء رسوم الاشتراك ( 120 ريال )

بالاضافه الى انهم بيحولون سوا الى فاتورة لمن يرغب

لكن يجب على الشخص مراجعتهم ، وتعبئة نموذج ،،


أما بالنسبة لمشكلتك ،، عادي وانا خوك جرب

الصفر اذا ماطلع انه الي تبي ،، ولا اكيد بيكون الخمسه :d


شاكر لك يالغالي ،، طرحك الموضوع ،،،

[بزبوز]

قريت في جريدة الاقتصاديه بأنهم بدأوا بالغاء رسوم الاشتراك ( 120 ريال )


ماهيب لله يا اسير عيونها هذي من الشركات الجديده اللي بتدخل تنافس في السوق


اشكرك على التواجد

[هنشي]

يا اخوان انا سمعت الخبر هذا واستغربت زيك

المهم رحت وكلمت 902 واستفسرت عن صحت الخبر

وطلع لي التالي

ان خبر تغيير الصفر الى خمسه خبر لم يتاكد بعد (( يعني اشاعه )) ومقتصره على المميزون فقط

وان رسوم الاشتراك لم يتم الغائهاااااااا

ولكن الغيت رسوم التاسيس

وايضا التبديل من شرائح المسبقة الدفع الى فواتير
خبر صحيح

تحياتي والله يخارجنااا

[بزبوز]

هنشي يالزميل لا تخذ علم من حقين 902 ( ماعندك احد )

اصلا لو تسأل واحد منهم وش صار في ترسيمكم ... يقول لك مدري ...؟


وشكرا على مرورك

[الغريب]

:dودى اعلق شوى على كلامكم

بالنسبه لضافه الرقم 5 انا قريتها بجريده الرياض ....للجوال المميز مجانا وغير المميز بدراهم

بخمس وعشرين ريال ريال ينطح ريال.....

اما بالنسبه للرسوم فسمعت انهم يقولووون انتبهوا قلت سمعت ماقلت قريت

خاصه بموظفين الاتصالات

[بزبوز]

الغريب

لا تستغرب شي من شركة الامتصاصات

عموما الله يجيب العواقب سليمه

شكرا على مرورك

[أبـو سالم]

انا اقول الله يعينا نغير الارقام المخزنه في الجهاز ونضيف عليها الصفر

{شركة الامتصاصات} <<<<<<< عجبني هذا الاسم لانه اسم على مسمى

تحياتي لك بزبوز؛؛؛؛؛؛؛

[محمد الشهراني]

اخوي بزبوز

والله يخوك انا خشيت على موقع الامتصاصات اليوم

ولقيت انهم كاتبين الكلام هذا في المواضيع

لكن هل هذا الكلام صحيح ام لا الله اعلم

لاكن هم كتبو هذا الكلام الي قلته في موقعهم

وزي ماقلت الامتصاصات

يبوون يمصوونا

وتقبل تحياتي مع اني زيك مدري شلوون اعرف ان هذا 050 او 055


وشكراا اخووك سهيل

[مِزَعِلة ْ النِسَا]

أحلى مافي الموضوع ردودكم :3:

الكل طفشاان من الاتصالات :14:
لكن برضووو مالنا غيرها


انا بصراحه الاحظ الاتصالات قلبت حرراج
الخمسه بخمسه وعشرين

والصفر مجاناً وياعالم ايش كماان بعدهم ...:27:

وبالنسبه لسؤالك بزبوز

والله حتى انا احترت زيك شكلنا نرفع قضيه على الاتصالات :55:


يسلموو بزبوز على الموضوع .

[العميد]

بزبوز

تصدق ماخطرت في بالي هالسالفه !


هذا يدل على ان نظرك بعيد ومستقبلي


بصراحه احيي فيك هذي الروح الطيبه << جابها شمال


المهم والله انك صادق حاسونا حوس


مره بنضيف ومره بنلغي ومره ومره


والواحد منكم اذا جا يشوف بعض الدول المجاوره يستغرب ويتشائم


لارسوم تأسيس ولارسوم شهريه ولا ولا ..


لكن وش نسوي بعد .. امتصاصات .. وعلى ماقالت مزعله


الظاهر قلبوها حراج .. وياخوفك يجي يوم ويطلبون المزاوده ..


الله يكون بالعون بس


مشكور يابوروح طيبه


تحياتي