كلمة ونبض شاعر [الأرشيف] - مجالس شبكة الجوارس العربية

سعود هجرس

22-04-05, 09:50

أحبتي أعضاء الجوارس الكرام

كل التحيات العطرة

أنقلها لكم في كل زاوية من زوايا هذا الصرح العظيم

وأتمنى أن تجدوا مايسركم هنا .....

فكرة هذه الزاوية هي كتابة بيتين من الشعر لمحاكاة كلمة معطاة

ولايشترط أن تكون الأبيات من نضمك وإنما ابيات

مغنّاة أو لشعراء آخرين أهم مافي ذلك الكلمة التي اعُطيت

يجب ان تجد صداها في الابيات

وعندما تشارك بأبيات ليست من ابداعك فلتذكر اسم صاحبها للفائدة

مثال على ذلك :

لو قام احد الاعضاء بإختيار كلمة ((( حياة )))

نجد ان هذه الابيات تعبر عن الحياة من وجهة نظر الشاعر:

راحت حياتي بين فرقى وحرمان ** وقتي عطى غيري وأنا ماعطاني

وصارت همومي عندي أشكال وألوان ** إذا قضى هم يجي هم ثاني

مثال ثاني:

لو اختار العضو السابق كلمة ((( غلا )))

ثاني همومي غلاك وثالث أوجاعي ** إنك بوسط الخفوق وساكنه كلّه

والمشكلة حبك اللي بين الأضلاعي ** وشلون أشيله وأنا يازين ماأدلّه

هذا توضيح للفكرة

ونتمنى من الجميع مشاركتنا لنثري هذا المكان بكل رائع

الكلمة القادمة هي ((( الشوق )))

محبكم/ سعود هجرس

محمد سعود

22-04-05, 10:56

تسلم يا سعود

وخطوة مميزة سنجد فيها الفائدة والمتعة بمشاركات الراقين

اليكم كلمة : الشوق

زعل عليـك وعلينـا ماهـو بلايـق =إهنـاك شـيٍ ليـا ابعدنـا يجمّعنـا..!
يسوقني لـك ويستآقـك علـيّ سايـق =(الشوق) سلطه وبالقـوه يرجّعنـا..!

عطونا كلمة الغرام

بدر بن غازي

22-04-05, 11:04

ياسلام ياسعود

روووعه وبيض الله وجهك

واستلم

الغرام بعين من يعرف تفاسير الغرام=ودي اعرف اخره من قبل ادخل مبتداه
ماسمعت الا العذاب ولاقريت الا الهيام=وكم خفوق قد نبض من زود ما اوجس لفظ (آه)

الكلمه القادمه

الأمــآنه

محمد سعود

22-04-05, 11:17

الأمانة

.

الأمانة ما تحمّلها الجبال=واحتملها الآدمي ظلم وجهل
يالله انك لا تفاختنا الحلال=ولا تخلينا كذا مثل الهمل

الكلمة ((( الهدب )))

بدر بن غازي

22-04-05, 11:21

"الهدب"

صوتك اذا غنّت به ضلــوعي الحدب=ماعاد ابي اسمع من الناس كلمه
وان كان صوبي ارخت عيونك الهدب=انا اتحدى النايم يقــول حلمه

النــور

محمد سعود

23-04-05, 12:30

فيك شيٍ يوم تبديه يفقدني الشعور=مبسمٍ يقدح بقاصيه ضي المرمرا
كل نورٍ غير هذا فلآ سميه نور=خص لامن اختلط في بياضه لحمرا

الكلمة ((( الصداقة )))

بدر بن غازي

23-04-05, 12:33

الطيب لهل الطيب والا الحمآقه=تلقى اهلها ياعريب المجاني
وانا رفيقك مانكرت الصداقه=لك كل وقتي لو ليّه ثواني

الكلمه
(الرقه)

محمد سعود

24-04-05, 02:37

لي حقوق ولك عليّ محقه=وازن الكفة ولا تجفاني
يا مناة الروح كلك رقه=طالبك تلحق على السنحاني

الكلمة ( الهجر )

ناصر الشاطري

24-04-05, 04:00

احييك اخي سعود هجرس على هذه الزاوية

وعساك على القوة دوما

هذه مشاركتي

كلش ولا هجرك يامنوة غرامي=الهجر يعني لي ضماك وهجيري
صدقني لو حاولت لتموت ضامي= اركد شوي وخل عنك المطيري

الكلمة هي( الغيمة)

سعود هجرس

27-04-05, 03:26

ياهلا وغلا بالأحبة اللي شرفونا

بها الإطلالة الجميلة عساني ما أعدم

هالحضور والتواجد وتحية إجلال

للغالين المتواصلين دوماً وأبداً

محمد بن سعود ،، بدر بن غازي

ناصر الشاطري ولكم مع التحية :

بالله ياغيمة إذا شفتي الزين ** قولي له إن سعود مرسل سلامه

وقولي بعد ياغيمة الود تكفين ** وش فيه غايب عننا وش علامه

والكلمة هي :الرسالة

ودمتوووا سالمين

سعود هجرس

ناصر الشاطري

28-04-05, 01:16

صح لسانك ياسعود

الظاهر انك نسيت الكلمة

ننتظرك

محمد سعود

28-04-05, 09:43

ناصر وسعود طابت اوقاتكم

الله يسد ما بينكم :)
.

الرسالة

.

مبدع ودون الرد صكيت المجال=اسمك ورقمك والرساله كايفه
ذوقك ، حروفك ، رقتك مضرب مثال=اموت فيك وزول غيرك عايفه

العين

سعود هجرس

28-04-05, 09:56

هلابك يامحمد ومراحب ياناصر

ونقول بالعين :

عيني اللي من الفرقى جفاها المنام ** قلبي اللي شكى حرقة فراق الحبايب

ياحبيبي عقب فرقاك نومي حرام ** غاب زولك وأنا من بعدك الفكر غايب

والكلمة هي : الفكر

تحياتي لكم

سعود هجرس

بدر بن غازي

28-04-05, 10:27

ياصاحبي والشعر ينبض من الفكْر = اقولها وانا مجرب طــروقه
صآحي ولكن ساعته كن بك سكْر= ولا كل رجالٍ يوفّي حقـوقه

والكلمه القادمه

الجــوارس

محمد سعود

28-04-05, 10:51

.

الجوارس

.

اشعلوا ضوّ القوافي بالجوارس=واشذبوا روح المعاني للطويله
للشعر ملزم وللميدان فارس=والهدف واحد وطرقتنا طويله

السعاده

بدر بن غازي

28-04-05, 11:04

والله ان بشوفكم كل السعاده=يارجال العرف ياربع الحميّا
قلتها والطيب فيكم نذر عاده=ولو ابنكر والله ان الصدق عيّا

القرابه

محمد سعود

28-04-05, 11:27

.

القرابه

.

صحيح مابيني وبينك قرابه=لكن حرام انك تملكت روحي
حبك رغد قلبي وبعدك عذابه=ياليت وانك يا اطرق العود توحي

الغلا

بدر بن غازي

28-04-05, 11:45

حلوووووووووووووووووو

الغلا هذي تعجبني بالحييييييل

اسمع:

جيتك على الموعد وآنا بشوفك بعين الغلآ
.. .. .. .. وفي لحظــة انك آلتفتي شفتني بنظارتك

جيتك ابسآل كيف قلبك بالهوى صد وسلآ
.. .. .. .. وآنا الذي في كل يوم آجي والف بحارتك

ماكنك اللي مآخذه من اطرف (.....) حلآ
.. .. .. .. ولاكنك الدانه وانا ياغاليــه محــارتك

والكلمه القادمه

سمــا

شموخ نجدية

29-04-05, 05:01

اسعد الله ايامكم بكل خير
يعطيكم الف عافيه جميعا ابتداء من الفكره الرائعه
الى نبضاتكم ذات النبع الطيب سواء كان بوح شخصي او منقول

والسما ،،،

جوهره من جواهر الشاعر دايم السيف

النوى عالي والســـــما فوقه اعلى
........................................... لافاق علم (ن) جاه علم يفوقي

الكلمة المختاره : الشموخ

عساكم على القوه

اختكم : شموخ نجدية

بدر بن غازي

29-04-05, 05:20

شموخ نجديه نبي حرفك ودعمك للقصيد=مدامك انتي شاعره واسمك مسمّى بالشموخ
اقولها وعسى يجيك الحرف مع ساعي البريد=واليا بغيتي الصدق وسط الكوخ والله فمّ كوخ

الكلمه القادمه

كوخ

محمد سعود

29-04-05, 05:40

.

كوخ

.

يا غربة الارواح يا درب الشقاوه والنكد=الوقت خلى راحلتنا من صواديفه تنوخ
الحظ عاثر والقدر يرمي الهدف رمي الركد=والقلب للهم وهواجيس المسآ ياشوق كوخ

.

سجع

.

شموخ نجدية

29-04-05, 06:05

صبحك الله بالخير اخوي غازي

وابشر بالكووخ

الحرف ليا اشتد جى من غير مرسول
............................................. يجي جزل طربان ويتغنى بكل شموخ
ولا منه طرى لي غديت كني مهبول
.......................................... .. اقضب القلم واشخبط كني فان ( كوخ )

فان كوخ = الرسام العالمي

الكلمة : الغيره

شموخ نجدية

محمد سعود

29-04-05, 06:13

يا سلام يا سلام

بما ان الأخت شموخ نجديه نست تحط كلمه نبقى مع كلمة ( سجع )

نتواصل ولكم الود

سعود هجرس

29-04-05, 11:40

صباح الورد والنرجس من عند أبوهجرس

لكم تحياتي :

ياما حلا سجع الحمام **** اللي يوصلي سلام

لصويحبي مشتاق له **** وين أنت ياطير الحمام

ومثل ماقال محمد الكلمة هي : الغيرة

سعود هجرس

محمد سعود

29-04-05, 05:33

مساء المهيله وتمر لخلاص

.

الغيره

.

حبـك تقلّـد بالحشـا منصـب أميـر =داري عليـه وقـدّري مقامتـك
الغيره العميا شررهـا مستطـيـر =بعيونك الّمحهـا وفـي همهامتـك

.

المشاعر

.

شموخ نجدية

30-04-05, 02:53

مساكم الله بالخير

وصح لسانك وسلمت يامحمد

والمشاعر ،،

هاجسي للطرق للقاف للمعنى يتوق
...............................................هاج سي مني وانا ماحييت الا معه
المشــــــاعر هيض والشعر نبض من الخفوق
................................................ ماتصنعته ولا رحت من ضعف اصنعه

الكلمة : الخيال

شموخ نجدية

محمد سعود

30-04-05, 08:27

طابت اوقاتكم

وصح لسانك يا شموخ على البيتين المميزة

.

الخيال

.

انت عين الحقيقه بس حسنك خيال=يعجز الوصف دونه ما رقى مطلعه
امتلكت الجمال وصرت مضرب مثال=كيف برضي غرورك يا غلا واقنعه

.

الهاجس

.

بدر بن غازي

03-05-05, 01:48

مسآء الغلا

الهاجس
:

الهاجس اللي دلني لك ظآلم=لأنه إمعرّض خفــوقِ التهــآليك
بي من هواكم شئ والله عآلم=يآخي ارحم المشتآق لك تربت يديك

:

الكلمه القادمه
(المبآهيــــر)

سعود هجرس

05-05-05, 04:38

يامرحبا بالتواجد والحضور اللي يسعد

الخاطر ويفرحه ،،

أبيات في غاية الجمال والعذوبة

أحاسيسكم رائعة بروعة ماتخّطه

أناملكم لكم فائق التحية وأقول

في المباهير :

ياماحلا يابدر شوف المغاتير **** في صيهد يرتاح له كل زوّار

ونجر يلعلع مع دلال مباهير **** وسوالف أهل الطيب والعرف والكار

والكلمة هي : السوالف

سعود هجرس

محمد سعود

06-05-05, 02:03

.

السوالف

.

.

محلا جمع النشامى والسوالف=كل ما ضاقت عليّ اجي هنيّا
تحت رايات الأخوة والتآلف=رُب شخصٍ ما تعرفه صار خيّا

.
.

المحبة

.
.

سعود هجرس

07-05-05, 01:17

مع فائق التحية

والمحبة :

المحبة نارها نار ودواها دواء **** وأنت في قربك سعادة وفي بعدك عذاب

ودي أني معك أعيش وإن متنا سوى **** ماتغيرنا الليالي ولا طول الغياب

كلمات مغناه لا اعلم من قائلها

الكلمة هي : الليالي

سعود هجرس

محمد سعود

11-05-05, 06:28

.

الليالي

.

مابقى فيني على الصبر احتمالي=ضقت والايام مافيها مروفه
بين خيط النور واهموم الليالي=فرحه وعبره حصيلتها حسوفه

.

المحاجر

.

بدر بن غازي

11-05-05, 10:26

المحاجر

اهديك شوق ولهفه وحب صافي= وانت اجمل اللي لي تمّد الخناجر
ان كان قصدك دمعتي بالتجافي =والله لتبطي ماتهلّ المحاجر

افنان

محمد سعود

12-05-05, 09:54

.

افنان

.

معاد لحروفي بتوصيفك اللسان=تخاذلت واستسلمت عند حضرتك

عطر النسايم داعبت راوي افنان=وانا تلاعبي مخاريس نظرتك

.

الورود

.

سعود هجرس

12-05-05, 10:42

مساء الورود

يالورود ويالرياحين العذيّة **** وين من يطرب خفوقي وين داره

علميه أني معه روحه وجيّه **** من يخبرني عنه وإله البشارة

مع فائق المودة ودمتوا سالمين

الكلمة هي (البشارة)

سعود هجرس

ناصر الشاطري

15-05-05, 01:42

تسلمون يالنشامى ابدعتم يامال الغناة

يابن هجرس جبت كلمة ياحلو طاري نباها=يوم قالت لي تعال وهات لي معك البشاره
يومها قلبي الهديّة ينتظر طيشة صباها=ياحلو طيش الطفولة لاتسلطن مع وقاره

الكلمة هي ( الجنون)

دمتم بكل ود

سعود هجرس

18-05-05, 03:37

مرحبا ومسهلا بناصر والأحبة كلهم

الجنون :

ناصر يقول إنك على الجرح دقيّت **** وأقول ياناصر جنونك جنوني

ياما على دروب الهواجيس غنيّت **** وياما الليالي أخلفني ضنوني

الكلمة هي :

الهواجيس

مع فائق التحية ودمتوووا سالمين ،،،

سعود هجرس

محمد سعود

19-05-05, 11:51

.

الهواجيس

.

ياليل ياليل السهر والهواجيس=يكفي تزودني غبون ومواجع
لايام غبرا والآيادي مفاليس=وانا اتقدم والحظوظ إ تراجع

.

الوداع

.

سعود هجرس

20-05-05, 04:20

ابوسعود مساء بريح الفل والنرجس

مالقيت غير الوداع ؟؟

لكن ربك يعين ونبي نهز القلوب شوي

الوداع :

ياشين طاري الوداع وشين حزاته **** وياشينها يامحمد ساعة الفرقى

جاني يبلغ سلامه مع تحياته **** ويقول نفسي على فرقاك ماتقوى

النفس

محمد سعود

20-05-05, 04:58

مرحبا ابو هجرس

واوقاتك سعيده

.

قامت تعفّسنا ظروف الزمن عفس=اجعل لنا يالله في الامر خيره
اما اكشف الكربات والا انزع النفس=نرتاح ونودع همومٍ كثيره

.

الوفا

.

سعود هجرس

20-05-05, 03:21

مرحبتين يابوسعود

ومساء بريح الخزامى والنفل

الوفاء :

ويـــــن الوفاء ضاع الوفاء صعب نلقاه **** ماعاد له في هالزمن أي خــانه

يــــا سامعــــي عزا لحالي وعزاه **** للي غدربه يامحمـــــد زمـــــــــــــانه

عزاه

شموخ نجدية

21-05-05, 03:07

اسعد الله ايامكم بكل خير

والعزاه

اتعبني السير بالدنيا والصبر فيها اعياني
................................ قولي يادنيا من بعد فرقاه وش مني تبين
عزاي فيه بكاني وهاضت به اشجاني
............................... وعزاه بعد طول صبره مالقى بقلبي حنين

الندى

شموخ نجدية

محمد سعود

21-05-05, 05:47

اوقاتكم ورد ورياحين

.
.
لو تضايق خِدة الورد من صفق الندى=فعلم اني في غيابك تضايقت وشكيت
بختصر كل السوالف تخيّر في حدا=يا تجي من قلب والا تروّح كمبليت
.
.

الحاجه

.

.

شموخ نجدية

21-05-05, 05:46

مساء الخير
وصح لسانك يامحمد سعود

والحاجه

ماطلبت الليل حاجه قد ماصد وجحد
....................................... ولا رجيت النور رحمه ولا تمنيته يجود
راس مالي حلم ليله عهد ميثاق ووعد
..................................... واخسارة راس مالي بعد ماخان العهود

الحلم

شموخ نجدية

محمد سعود

21-05-05, 07:32

مساء النور وصح لسانك يا شموخ

.

انت الحقيقة في وهف عين مغليك=وابعد خطاوي غيبتك فالمساء حلم
اقصى حدودي بالزعل كيف اراضيك..؟=اجيك رآية حرب وروح بكْ سِلم

.

الوسم

.

الســـاري

08-06-05, 08:42

صح لسانك يابو سعود ...

لا تسأل المجروح عن قصة الوسم=قصة طويلة ولعبت في حياته
يوم انوسم قلبي بالاشواك و السم=هذي حقيقة مسجلة في وصاته
مالي على ماصار حيلة ولا حسم=مبطي وانا مستحمل(ن)معطياته

شموخ نجدية

24-06-05, 05:09

مساء الخير
صح لسانك وسلمت يالساري
بما انك نسيت تحدد كلمة نبدا منها
فانا سوف اختار الكلمة امتداد منك

الساري

يالقوافي خبريه وش اخباري
................................ علميه ان الليالي زادت همومي
وبلغيه اني بلياه مقفي وساري
............................... واني في الموده صرت مظلومي
قولي له انه جنتي وناري
............................. وعلى الجفا وفراقه والله مارومي

الكلمه : الابداع

شموخ نجدية