عبدالعزيز الدهمشي
31-03-05, 12:23
بسم الله الرحمن الرحيم ..
لاجديد ..
الجرح نفس الجرح ..
والهمّ العتيد ..
يسطي على القلب ويزيد ..
دفتر قصيد وملهـِمه ..
حبر ووريد وسلهمه ..
والضيق في صدري سِمه ..
واقفال من حدّ وحديد ..
وانا وليلي والثواني ..
مامن جديد ..
الا قصيدٍ يهتويني ويحداني ..
للبوح بحروف ومعاني ..
الله ياحرف القصيد ..
الله ياحرف القصيد ..
أحبتي رواد (شبكـة الجوارس العربيه ) ..
أسعد الله اوقاتكم بكل خير ..
نص متواضع له شرف إطلاعكم ..
صلوا على النبي ..
/
\
/
\
/
\
/
\
نبضات قلبي مثل دق الثواني = مع كل دقـّه ينجلي منّي انفاس
الصبح أعاني وايضاً الليل أعاني = وارسم على شطّ الأمل (بسمة الياس)
اضحك ودمعي في عيوني كواني = وابكي وانا والليل (شاعر) و(نبراس)
الهمّ ينقش ضيقتي بالمحاني = والشعر يشرب من حياتي ( مية كاس )
ياخذ ولا اذكر بالسعاده عطاني = وشلون يعطي؟ وهْو حبرٍ وقرطاس
أعطيه فكر وذكريات ومعاني = وآخذ عنا واعجاب مغرم وحسّاس
اشقى وغيري ينتعش من حناني = ولا اسمع الا:" قوّ قلبك.. ولاباس "
لاباس عقب الياس فاسه رماني؟!! = الياس من لاباس سلـّـط علي فاس
مركب نجاتي مالقى له مواني = تايه بلا وجهات ديره ولاناس
الله واكبر كيف يقدر زماني = انه يبشـّـر جوف قلبي بالإفلاس!!
ياصاحبي.. ياساحبي.. يااسمراني = ياللي بكفـّـك سيف (عنتر) (وجسـّـاس)
لاصرت انا بالحب مجني وجاني = وش لي ووش للحب دامه وجع راس؟!!
لكن غرامك دون غيرك بلاني = اللي بلـَى (محمد) عقب غيبة (دباس)
الضيم.. والدمع الحَمـَرْ.. والهواني = والضيق.. وبعاد الحبايب.. والاتعاس
الموت ليته قبل اشوفك لقاني = ليتي تحت رمل الثرى مالي قياس
او ليتني ماعشت.. والا عساني: = قبلك بليت بعلةٍ تقطع الباس
أحيان اشوفك في (سهيل اليماني) = واحيان اشوفك في يدي تضرب اخماس
هوجاس والهوجاس كاذب وفاني = مثلك حقيقه دون طيفٍ وهوجاس
ارجوك قلـّي لاتحطـّـم كياني = ان كان غيري داخلك دقّ الاجراس
الحب ماهو في طوال المباني = ولاهو فتيلٍ يشعله (عقد الألماس)
ولاهو فخر قدّام قاصي وداني = الحب.. (دستور التفاهم والاحساس)
اللي مضى وارجوك تكفى كفاني = العمر يمضي والثواني والانفاس
جيتك أعاني وان تركتك أعاني = وارسم على شطّ الامل (بسمة الياس)
تلميــذكم ..
عبدالعزيز الدهمشــي ..
لاجديد ..
الجرح نفس الجرح ..
والهمّ العتيد ..
يسطي على القلب ويزيد ..
دفتر قصيد وملهـِمه ..
حبر ووريد وسلهمه ..
والضيق في صدري سِمه ..
واقفال من حدّ وحديد ..
وانا وليلي والثواني ..
مامن جديد ..
الا قصيدٍ يهتويني ويحداني ..
للبوح بحروف ومعاني ..
الله ياحرف القصيد ..
الله ياحرف القصيد ..
أحبتي رواد (شبكـة الجوارس العربيه ) ..
أسعد الله اوقاتكم بكل خير ..
نص متواضع له شرف إطلاعكم ..
صلوا على النبي ..
/
\
/
\
/
\
/
\
نبضات قلبي مثل دق الثواني = مع كل دقـّه ينجلي منّي انفاس
الصبح أعاني وايضاً الليل أعاني = وارسم على شطّ الأمل (بسمة الياس)
اضحك ودمعي في عيوني كواني = وابكي وانا والليل (شاعر) و(نبراس)
الهمّ ينقش ضيقتي بالمحاني = والشعر يشرب من حياتي ( مية كاس )
ياخذ ولا اذكر بالسعاده عطاني = وشلون يعطي؟ وهْو حبرٍ وقرطاس
أعطيه فكر وذكريات ومعاني = وآخذ عنا واعجاب مغرم وحسّاس
اشقى وغيري ينتعش من حناني = ولا اسمع الا:" قوّ قلبك.. ولاباس "
لاباس عقب الياس فاسه رماني؟!! = الياس من لاباس سلـّـط علي فاس
مركب نجاتي مالقى له مواني = تايه بلا وجهات ديره ولاناس
الله واكبر كيف يقدر زماني = انه يبشـّـر جوف قلبي بالإفلاس!!
ياصاحبي.. ياساحبي.. يااسمراني = ياللي بكفـّـك سيف (عنتر) (وجسـّـاس)
لاصرت انا بالحب مجني وجاني = وش لي ووش للحب دامه وجع راس؟!!
لكن غرامك دون غيرك بلاني = اللي بلـَى (محمد) عقب غيبة (دباس)
الضيم.. والدمع الحَمـَرْ.. والهواني = والضيق.. وبعاد الحبايب.. والاتعاس
الموت ليته قبل اشوفك لقاني = ليتي تحت رمل الثرى مالي قياس
او ليتني ماعشت.. والا عساني: = قبلك بليت بعلةٍ تقطع الباس
أحيان اشوفك في (سهيل اليماني) = واحيان اشوفك في يدي تضرب اخماس
هوجاس والهوجاس كاذب وفاني = مثلك حقيقه دون طيفٍ وهوجاس
ارجوك قلـّي لاتحطـّـم كياني = ان كان غيري داخلك دقّ الاجراس
الحب ماهو في طوال المباني = ولاهو فتيلٍ يشعله (عقد الألماس)
ولاهو فخر قدّام قاصي وداني = الحب.. (دستور التفاهم والاحساس)
اللي مضى وارجوك تكفى كفاني = العمر يمضي والثواني والانفاس
جيتك أعاني وان تركتك أعاني = وارسم على شطّ الامل (بسمة الياس)
تلميــذكم ..
عبدالعزيز الدهمشــي ..