افضل واحلى ريجيم جربته في حياتي... تعالوا

[نور الصبايا]

الله يصبحكم ويمسيكم بكل خير...
وجعل الله ايامكم في حب وسعاده....

بعد معاناه مريره مع الريجيمات وكل يوم افتح النت ادور لي على افضل ريجيم
مره كيميائي مره فيزيائي مره رياضياتي <<<STOP
و اتحمس واقوم اطبع في ذا الاوراق واعلقها على الثلاجه ومن اليوم الثاني
تلاقي لسته بالطلبات قريب فروت , بروكلي , كرفس ,تونه , وجبنه مدري وشسمها
الحمد لله والشكر على نعمه .. بعدها اتحمس واعلن قراري ....
وداعا للدهون .... وداعا للترهلات .... وداعا ايها الاكس لارج ...
وخلاص ببدا من يوم السبت ....
>>> مدري ليه اللي بيسوي ريجيم يقول ببدا من يوم السبت؟؟؟؟؟؟؟؟طيب الربوع وش فيه مسكين :schmoll: موب من ايام الله ؟؟؟

المهم اني ابدا في الريجيم ولايجي نص اليوم الا وانا دايخه ومصدعه:00009:
ونفسي تقلب والنهايه يخلص الاسبوع واكون نزلت كيلو او اثنين بس عظامي
احسها مكسره من الارهاق...
او اني اخربها احد الليالي واسري على الثلاجه كأني مجنونه....واخرب ابو الريجيم ...
الين ماهداني الله لهذا الريجيم الرائع واستمريت عليه الى هذا اليوم
لانه برنامج مره ممتاز ومريح ومايتعب ....

طبعا الريجيم من راسي وغير موجود بالكتب واعمله ارتجالا
وراح يكون سهل على الجميع ومايحتاج ورقه وقلم ولا طباعه ولامقاضي
يعني كل اكلك من الموجود بالبيت والمتوفر...

وعشان تتحمسوا وتدخلوا معاي في الجو انا نزلت 13 كيلو و وصلت ولله الحمد
تقريبا لوزني المثالي ومو بس انا اللي طبقته كمان ثنتين من صاحباتي جربوه
وحده نزلت 20 كيلو ولازالت مواصله والثانيه نزلت تخيلو يابنات من وزن 75
صايره الحين 50 هاااااه اشرايكم ؟؟؟؟؟؟؟؟؟؟

يالله عاد اذا شفتكم متحمسين ابشروا بالريجيم بتفاصيله الممله ان شاء الله
هاه ايش قلتوا ؟؟؟؟

[صمـ الغروب ـت]

>>> مدري ليه اللي بيسوي ريجيم يقول ببدا من يوم السبت؟؟؟؟؟؟؟؟طيب الربوع وش فيه مسكين موب من ايام الله ؟؟؟
ههههههههههههههههههههههه

والله نك صادقه ياعسل

يعطيك العافية

وبأنتضار تنزلين لنا الرجيم

وهذي:airkiss: بوسه على الخديداتك


:giverose:

[الأميرة]

يالبي قلبه لو أنزل13 كيلو أروح هواااااا :00020:


ياقلبي ياحلوة تكفيييين عشان خاطري قوليلي هالرجيـــــــــــــــــــــــــم :mass19:

والله أنا من يوم أسوي رجيم ما يجي ثاني يوم الا وأنا ماأقدر أوقف من الدوخة :00009:



يالله ياعسوله لا تتأخرين علينا ترانا شادين الحيل للصيف :hahah:

[Lumière de vie]

نور الصبايا

الحمدلله أنا مو محتاجه رجـــــــيم

بس حمستيني أعرف

ننتظرك ياعسل

[الإعلامية المبدعة]

تسلمين نور الصبايا على الموضوع الحلو
و أنا مع lumière de vie
ما أحتاج ريجيم
بس لما أكبر الله أعلم يمكن أحتاجه
هع
خخ
هههههه

[نور الصبايا]

بنت الديره شكرا على مرورك وردك :airkiss: ولك بوسه كبيييييره
الاميره ابشري بعزك وانا اختك وان شاء الله راح يعجبك الريجيم
وتمشي عليه وتخسري 20 كيلو بعد :hahah:
lumiere de vie
شيماء أوقاش
شكرا حبيباتي على الرد وان شاء الله ماتحتاجون
اي ريجيم في حياتكم بس ترا هو برنامج حميه وصحي اكثر ..
انا الحين وانا وصلت لوزني المطلوب لسا مستمره عليه لاني احس
نفسي نشيطه وجسمي نظيف من السموم و صحتي افضل
والحمد لله
وهذا هو برنامج الحميه اللي مشيت عليه وان شاء الله
تستفيدوا منه جميعا....

[نور الصبايا]

قبل ما ابدأ بقولكم قانون الريجيم ....
اول شي نعرف ان الرسول كلامه منزل من عند الله عز وجل ( وماينطق عن الهوى
ان هو الا وحي يوحى علمه شديد القوى ) وفيه احاديث كثيره للرسول اللهم صل
وسلم عليه في آداب الطعام لازم نخليها قدامنا واكدوها العلماء في عصرنا الحاضر
مثل حديث "ثلث لطعامك وثلث لشرابك وثلث لنفسك "
واحنا الله المستعان نخليه ثلث للسلطه وثلث للوجبه الرئيسيه وثلث للحلا
وحديث "لاتخلط الطعام على الطعام " يعني مو تعبي السفره و تجلس تاكل من
كل شي... كفايه ان الطبق الواحد مخلوط فيه سبعين مقدار بصل وطماط
ولحم و الخ الخ....
وكمان فيه مقوله من احد الصحابه يقول "نحن قوم لاناكل حتى نجوع واذا اكلنا لانشبع"
يعني اذا انتي شبعانه مو لازم اذا انحط الغداء او العشاء تقومي تاكلي

والقوانين اللي من عندي هي الاتي: <<< الله يستر
_السكر ممنوع
_المشروبات الغازيه ممنوعه
_العصائر المعلبه اللي كلها سكر ممنوع
_الحليب والالبان كاملة الدسم ممنوع
_الشوكلاته والسغاليف من حلويات وغيره ممنوع
_النشويات رز مكرونه بطاطس ممنوع
_الشرب اثناء الاكل او بعده على طول ممنوع .. <<<< وش خليتي ؟
_واهم شي لاتجوعين نفسك اذا جعتي خذيلك أي شي تاكليه بس يكون خفيف

طبعا أول مصحى من النوم كنت أشرب كوب نسكافيه عشان أصحصح
و اكتشفت انه يسد الشهية...
ولاعاد أشتهي آكل شي طوال اليوم فصرت أغصب نفسي وآكل شي مع النسكافيه وغالبا يكون 3 حبات تمر وهو أفضل شي على الريق..
أو آكل توست أو ساندويش بر بجبنه شرايح قليلة الدسم..
واذا اني مره رايقه سلقت لي بيضتين مع كوب حليب بس من دون سكر
احط عليه ملعقة عسل...

وكل وحده لاتحرم نفسها من أي شي متعوده عليه اذا متعوده تشربين الحليب
البارد >> الصافي, المراعي.. تعودي تشربيه خالي الدسم وبدون سكر..
والسوق مليان بدائل صحية حتى الكورن فليكس فيه بر....
طبعا البر نفس الابيض سواء الخبز أو الرز بس البر يكون فيه ألياف أكثر من الأبيض والألياف لها فوائد كثيرة وأهمها انها تسهل عملية الهضم ..
و تمنع الامساك ..<< ماتعرف الباقي خخخخ
وجتلي حاله كم اسبوع طحت في المويه كنت اشرب 3 كاسات (ماء) على الريق
والله احس جسمي نظيف .....

طبعا الفطور أهم وجبه ولازم تفطري حتى لوكثرتي ما يأثر على الريجيم
لأنك بتحرقي سعرات اذا انك طالبه او موظفه بتحرقي السعرات طول اليوم
وكمان ربات البيوت اكيد بتصحى وسيده على الكرف والشغل ...

واذا جعتي روحي دوري لك شي تاكليه فاكهه خضروات اشربي عصير طازج
بدون سكر مع قطعة بسكويت أي شي موجودعندك بس يكون مافيه سكر
وخالي الدسم ..

الحين نروح للغداء طبعا أكثر شي كان يقهرني في الريجيمات انه العايله يضربون
في الكبسه والايدامات وانا ياحافظ علبة تونه مغسوله بماي وربع رغيف بر
وحبة برتقاله كني سندريلا ( ايام الفقر ) <<<< يمديكم عالتشبيه
طبعا اذا كان غداكم كبسه لحم كلي لحم وخلي الرز واذا هو كبسة دجاج كلي
دجاج وخلي الرز <<<< ماعندها الا الكبسه خخخخخخخ
يعني كلي اللحوم والاسماك والدجاج لانها مفيده بس لا تاكلي النشويات مثل
الرز والمكرونه والبطاطس ...
وطبعا كلي معاها سلطه وخضروات خس جرجير أي شي موجود ...

واذا انك طالبه او موظفه وبترجعين البيت وتنامين على طول ممنوع الغداء الثقيل
وخليه بعد ماتصحي وكلي لك شي يسد جوعك اذا انتي جوعانه حبة فاكهه
او عصير فريش.. وارقدي

بعدها بساعه ساعتين سوي لك كوب شاي اخضر مر مع نعناع او حبق ياعيني
واذا فيه زنجبيل ياسلام سلم...

عاد صاحبتي اللي نحفت مره كانت تسوي ثلاجه (ترمس) شاي اخضر مع زنجبيل مع نعناع وتجلس تشرب فيه طول اليوم....
جينا للعصريه اذا انتو في منطقه معتدلة الاجواء يعني أبها الباحه الطايف
اطلعي هزي طولك شوي وامشي لك نص ساعه او ساعه حسب المقدره
وخلي احد يمشي معك يونسك وماتحسي بالوقت ....

واذا عندك جهاز سير او اوربت ترك بالبيت يكون احسن قومي الحين نظفيه من
الغبار اللي تكدس مدري من متى... واسحبيه لعند التلفزيون واذا جاء مسلسلك المفضل او الفيلم او أي برنامج تتابعيه قومي اشتغلي عليه واتفرجي..

والطالبات الله يوفقهم ان شاء الله اذا راحوا للمدرسه او للجامعه يحاولون يمشون
الصباح في الساحه حتى لو ربع ساعه وقت مايكون الجو معتدل شوي ...

عاد وقت العشاء نفس الشي تاكلين أي شي بس يكون خفيف قليل الدسم وبدون سكريات ونشويات وحاولي قد ماتقدري قبل النوم ب3 ساعات ماتاكلين شي منشان مايتكدس الاكل في بطنك ولا ينهضم زين..
واذا حصل واضطريتي تتعشين معزومه مثلا او عندك ناس ...
اشربي لك كوب شاي اخضر وحاولي تمشين شوي في البيت في الحوش في الشارع أي حته...

بعدين روحي خذي لك دش وادخلي فراشك واتعوذي من الشيطان واقري الاذكار
ونوم العوافي ان شاء الله
واعتذر عن الاطاله حبايبي بس حاولت اني الم الموضوع من جميع جوانبه..
واللي عندها أي اسئله انا حاضره باللي تبونه...
تحياتي لكم جميعا واعطونا آرائكم في الريجيم
طبعا حقوق الطبع والتوزيع محفوظه اي وحده او واحد عجبه النظام وحب يلطشه
ويكتبه في منتدى ثاني لامانع بس يستاذن اول وعلى الرحب والسعه

[نرمين قلم حساس]

نور الصبايا

اهلين فيك اختي

ريجيمك بجد روعه
وانا والله اتبعت الطريقة وفقدت 12 ك في شهرين ونصف تقريبا

وبدون اي مشاكل واكتشفته فجأ حيث تعمدت التقليل من الأكل مع عدم الامتناع عنه

لكن الانقطاع المفاجئ عن السكريات والنشويات ليس مرة واحدة يفضل بالتدريج حتى لايصدم الجسم

وبعد عدة ايام قليل من النشويات
انا كنت كل ثلاث ايام ... نصف خبز صامولي ابيض
والكثير من الماء اكثر من 8 اكواب فهذا دواء بحد ذاته

والمشي تقريبا يبدأ بالتدريج ايضا 10 دقائق وكل يومين نزيد الدقائق حيث الخسارة البطيئه تصبح ثابته والمفاجئه تصبح مضرة وغير ثابته

وكنت ايضا احسب حساب للسكر

يعني
اذا اكلت شيئ حالي لا اكل اي شيئ طوال اليوم يتواجد فيه السكر بل اتجه ناحية الفواكهه


تخفيف الملح فهو يمسك بالمياة في الجسم ويمنع نزول الوزن بسرعه والابتعاد عن حبات الزيتون لانه يحبس الماء ايضا ويسبب البطئ في نزول الوزن


صحن سلطة صغير قبل الطعام يمنع الجوع السريع ويعطيك الاملاح المفقودة بطريقة صحيحة وموزونه للجسم كبدايه لبناء جسم صحي سليم في تكوينه

وقبل كل شيئ
الارادةالقوية للتخلص من الوزن

اعتذر لاضافة عدة ملومات لدي عن الريجيم ولكن اتمنى ان ينتفع بها الجميع لانها عن تجربة

تقديري لك واعتذر مرة اخرى للاطالة

[نور الصبايا]

يعطيك العافيه نرمين ويسعدني مرورك واثرائك لموضوعي

واضافتك في السليم وخصوصا للماء انا كنت اشرب ماء قد مقدر

والله ماكملت شهر الا واحس بالتغيير في بشرتي وشعري

ماشاء الله بشهادة جميع من حولي وخصوصا اني كمان مركزه

على الخضروات والفواكه ...

كنت اذا جعت في الليل اخذ لي صحن سلطه جرجير وطماطم مع ليمونه

حتى ماكنت احط ملح مدري ليه ؟؟ يمكن من الجوع ما الحق ههههههه

وبالنسبه للمشي انا بصراحه ماكنت امشي في البدايه الا 10 دقايق

لمدة شهرين بسبب انشغالي بس كان لهذي العشر دقايق تاثير

كبير جدا والحين صرت اطلع انا وصاحباتي كل عصريه نمشي في منتزه لمدة

ساعتين تقريبا ...

تحياتي لك نرمين ...
واي احد لديه اضافات مفيده لايبخل علينا ...

[جنان عربية]

شكرا لك نور الصبايا ريجيم 100% صحي

أنا أيضا جربت رجيمات كثيرة لكن أنزل 2 كيلو و أسمن بأربع إلى أن قررت صناعة حمية خاصة

أنا الأن آكل كل شيئ بدون استتناء إلا أنني آكل حتى أشعر أني لم أعد جوعانة و أكتفي

لا أكثر من الخبز الشاى القهوة المشروبات الغازية البطاطس الجلبانة الموز الأرز المعجنات

أحرص على شرب على الأقل لترين من الماء يوميا

أكتر من الخضروات على شكل سلطات و الفواكه

لا آكل بين الوجبة و الأخرى و أتفادى أيضا الأكل السريع

أمارس رياضة الآيربك ثلاث مرات في الأسبوع

اتبعته الآن لمدة أربع أشهر أشعر بخفة لم أعد أعاني من الإمساك المهم أني أنزل و لا أسمن لم أشعر أنني محرومة من أكلات و لم أغصب نفسى على أكل آخر حتى ميزانيتي لم تتضرر أحس أنني عادية و رشيقة.

أردت فقط مشاركتك نجاحي في تطبيق حمية و ا لإستمرار عليها

المهم هو الإرادة و التوكل على الله

اعذريني ان أطلت عليك.

:victory:

[نور الصبايا]

اختي جنان عربيه شكرا على مرورك واضافتك بحكم خبرتك بالنظام

والمشكله في الريجيمات الثانيه انك تخسرين وزن بسرعه بعضها يوصل
7
كيلو في الاسبوع..!! لكن بس توقفين الريجيم يرجع وزنك الاول وزياده....

حتى لو كان اكلك عادي وطبيعي...

اما هذا النظام فهوينزلك ببطء وتحافظين على الوزن اللي خسرتيه ..

وماتخافين لو خربتيها يوم واكلتي انه يزيد وزنك على طول

بس ماقلتي لنا كم خسرتي كيلو عشان يتحمسوا البنات والشباب كمان..؟؟؟

يعطيك العافيه حبيبتي وشكرا مره ثانيه

[الأميرة]

مشكورة ياحلوة وان شاء الله من اليوووم راح أبدا بتطبيق النصائح الذهبيه


ويارب تسهل عليك وتسعدك بس ذا السير ما أطيقه كل ما أدخل وأشوقه أصد يقال ماني شايفه

بس أحلى شي رياضة البطن تعجبني


وبس:00020:


جزاك الله خيرااا

[نور الصبايا]

شكرا لك يا اميره على تواجدك وتعليقك الحلو..
هو المشي يساعدك في حرق السعرات عشان تنزلين بسرعه
ويشد جسمك عشان الترهلات بعد التخفيف....
واكيد انتي عارفه ذا الشي بس ولا يهمك خلي المشي الحين
وابداي في النظام يمكن تتحمسي اذا شفتي الكيلوات راحت
تدري اذا طفشت من المشي احول على شي ثاني
تبين تعرفين ؟؟؟؟؟
,
,
,
,
,

اشغل شريط طقاقات وهات يارقص واقعد استهبل لين يصب
عرقي... جربي وماراح تحسين بالوقت بعدين خذي لك شاور
وكاسة عصير برتقال فريش وبارد... اااهه ياعيني
وبالتوفيق ان شاء الله و وافينا بالاخبار الطيبه ياقمر ..
تحياتي لك

[سلوى الحربي]

اللة يوفقكم ويبلغكم الي تريدونه00

[نور الصبايا]

تسلمي ياسلوى عى الدعوه
والله يوفقك انتي كمان ويسعدك

[دلوعة جده]

اختي جزاك الله خير

والله الواحد كان دايخ على رجيم <<<ذايد وزنها شوي

بس المشكلة اني مااحب الخضروات والفواكه

[الأميرة]

نور الصبايا

يمال العافية

أما عن الرقص فحدث ولا حرج بعد ما سمعت انه له فوائد زي الرياضة <<<من يوم يومي وأنا بس أرقص:marsa198::00020::clap::00009::00021::sm5::che er::00014:

بس أبشرك نزل وزني كيلوين ونص يارب لك الحمد <<يوم تركت النادي

لأني يوم كنت بالنادي ما نزلت الا نص كيلو بس والي معي 2و3 وأنا ماسكه على النص

والله يسهل عليك وعلينا يااارب

تشكرااات

[صمـ الغروب ـت]

تسلمين نور الصبايا

عن جد رجيم حلوووو ومتوازن

يعطيكــ العافيــهـ



الأميرة

مبروووووووووووووووووك

[نور الصبايا]

اختي جزاك الله خير

والله الواحد كان دايخ على رجيم <<<ذايد وزنها شوي

بس المشكلة اني مااحب الخضروات والفواكه


الله يعينك اجل وش تحبين تاكلين ؟؟

لازم تحاولي تاكلينها بغض النظر عن الريجيم

هي مفيده جدا ومغذيه للبشره والشعر ..

مشكوره حبيبتي على مرورك
تحياتي لك

[نور الصبايا]

نور الصبايا

يمال العافية

أما عن الرقص فحدث ولا حرج بعد ما سمعت انه له فوائد زي الرياضة <<<من يوم يومي وأنا بس أرقص:marsa198::00020::clap::00009::00021::sm5::che er::00014:

بس أبشرك نزل وزني كيلوين ونص يارب لك الحمد <<يوم تركت النادي

لأني يوم كنت بالنادي ما نزلت الا نص كيلو بس والي معي 2و3 وأنا ماسكه على النص

والله يسهل عليك وعلينا يااارب

تشكرااات


هلا بك يالاميره والله اشوف الرقص عندي احسن من المشي
لاني من النوع الملول واطفش من المشي بسرعه..

ومبروك على الكيلوين وعقبال العشرين كيلو <<:00009:
وبالتوفيق ان شاء الله
تحياتي لك

[نور الصبايا]

تسلمين نور الصبايا

عن جد رجيم حلوووو ومتوازن

يعطيكــ العافيــهـ



الأميرة

مبروووووووووووووووووك


بنت الديره هلا فيك عزيزتي..

ومشكوره على مرورك وتعقيبك..

تحياتي لك