العيد::مابين الماضي والحاضر

[Lumière de vie]

مرحبــــــــــــــــا

كــل عام وأنتم بخير قبل الزحــمة :clap:

باقي بضع أيام وينتهي شهر رمضان ..

ربي تقبل منّا صيامنا وقيامنا..

وأغفر لنا ذنوبنا في هذه الشهر الكريم

ويأتي يوم عيد الفطر ..يوم العيد يوم مختلف

له فرحته الخاصة ..وله عادات وتقاليد يتميز بها

وجميع الناس يحتفلون بهذا العيد كل على طريقتة

لكن هل تختلف فرحتنا بالعيد عندما كنا أطفال عن الآن في الوقت الحاضر؟

عني أنا..

العيد أول كان أحلى بكثير

له طعم خاص ..

بشارع 24 ساعة ..وكان فيه طقوس سنويه ليلة العيد

هههههههههههههه

نتضارب مع عيال الجيران

بالحصى والعودان والموية:marsa198:

كنا نكب عليهم مويه


<<<شياطين

ههههههههههههههههههههههههه

ومره سنه فلقنا بنتهم

بس والله كان وناسه :d

ومافيه احد مايعيدني..الشنطة تكون مليانه

خمسات عشرات ريالات

الحين مافيه إلا جدتي ربي يخليها ..هي اللي تتذكرني

يازين أول

وما اتذكر اني كنت ادخل البيت ..والحين نص النهار نوم

من جد ياليت الزمن يرجع

وأتمتى من الجميع المشاركة

[تبـ الجراح ـكي]

في البدايه ،، كل عام وانتي بخير يالومييغ ،، ومن الـ ع ـايدين << قبل الزحمه (الله واكبر كلها يومين) :d


يووووووووووووه والله الموضوع هذا فضيحه :d




اذكر زمان اول مانخلص من صلاه العيد ،، على طول محضرين صف عند كل واحد ،، ونمد يدنا يعني افهموها :d


واذا خلصنا طلعنا الشارع وشوف عاد ،، مايسلم مننا حد ،، ماغير من هالشروخ وهالصواريخ على كل سياره وعلى كل بيت ،،


والطقوس الليله هذي فينا كلنا ياقمورهـ ،،


كنا دايم بالليل نطلع السطح ،، ونلعب بهالصواريخ والشروخ ،، حتى اذكر جيت مسكت الصاروخ الصغير اللي دايم صوته معروف ،، يعني يعتبر بزر عند الصواريخ الثانيه :d

مسكته ومسوي فيها بكسرهـ بخليه دائري عشان يدور <<حركات قديمه :d


مادريت الا اول ماولعته ويحوس في السطح في الاخير علّـم على ظهر اخوي :d


ومره مسكته ورافع يدي مسوي فيها ذيب ماخاف :d

واطالع في اهلي واضحك يعني شوفوني :d


مادريت اني قالبه بتجاهي :d << الله عليك ونكبتك :d

اول مانطلق حرق ثوبي :00015:


واذكر مره منذو مبطيء تقريبا يوم كان عمري 9 سنوات او8

مسكت مع الاهل يطلعون البر في العيد ،، << حظك والمسكه البايخه :d

المهم كنا زي العاده نسوق السيارات بالبر ،،

جيت انا صحيت اول الصباح مالقيت احد ،، لقيت مفتاح سيارهـ عمي موجود ،، اخذته ورحت شغلت السياره وشوف ياسواق ،،

شفت جدي توه صاحي ،، قلت بشطفه بخوفه يعني

وانا امشي والشايب واقف قدامي ،، متروع :hahah:

امشي والادمي مازال واقف ،، والله اني اقرب ،، والادمي متروع انا على بالي انه ماخاف ،، نسيت انه مايمشي الا بعكازهـ :d


يوم قربت منه ،، مادري اتوقع اني ماكنت ماسك الطاره زين ،، طلعت على حصى او شيء زي كذا ولفت الطاره عن جدي ،، <<ولا كان بيروح زحلطن على قوله مفرح :d


لا ومن زين وجهي اجيه والضحكه مشققه وجهي

قلت له


خفت صح؟ :hahah:


مادريت الا والعكازه في وجهي :hahah:



بس مع كل اللي يجيني ايام زمان ،،

بس والله اني اشتقت لها ،، << اللي يشوفك يقول صاك الاربعين :d


للأسف السنه الماضيه ،، ماسويت بالعيد شيء،،

بالعكس حتى نمت بعد صلاه العيد ،، لين الظهر وقمت لبست وكشخت << مدري وش يحس فيه الظهر ؟ :hahah:


ورحت لبيت جدي ابارك<< بدري :00015:



لا واللحين لاجينا ندور عيديتنا قالوا ،، خلاص كبرتوا على هالحركات <<اقوى مخرج :d


هههههههههههههههه




مشكـورهـ قمورهـ على موضوعك التحفه والله ،،


والله موضوع رااائع جدا ،،



دائم سباقه للتميز ياعسل ،،


وإن شاء الله لاتذكرت شيء عن عيد زمان ،، بقوله << راعي طويله :d

ف ـوتك بـ ع ـافيه ،،

[عزفـ ـ الحنين]

.
\
.
lumiere de vie
.
كل عام وانتِ بخير =)
ومن الفايزين..انتِ وكل أسرة الجوارس
والمسلمين والمسلمات يارب،،
.
العيد ..!!
.
أمممممممممــ
.
ذكريات جميلة جدا..
وأظن أني بـ طول وباهذر عليكم..!!
بس لاتاخذون فكرة غلط عني،
وفلسفة جدتي تقول..
اللي هو صغير شيطان،، لما يكبر يصير عاقل..!!
لأنه بدد كل الشطانه والشقاوة وهو صغير ..
.
أنزين..
أتشابه معكِ في ملامح العيد =)
تبدأ بالاستيقاظ باكرا،
واللباس جرت العادة
أن يكون فستان نافش وتاج بعد..
أذكر العيد في الصيف
بس لازم فستان lol
وشنطة لزوم جمع العيدية..!!
بعد الصلاة، ناكل أكلات شعبية
"لقيمات، هريس،.." كنت أحب اللقيمات
ولازم حلوى، لما كنت صغيرة
كنت احب الحلوى نسميها "لحية الشيبه"
بصراحة.. مازال الاسم هو نفسه عندي،
فلم أكن لأكترث للاسم الرسمي :)
بعدها..نبدأ بجولة في أرجاء الحارة
وتنتهي عادة على الظهر..!!
نرجع البيت=)مهدودين من الفرفرة
وننخمد "مرات"
العصر نكمل لعب، وصرف في العيدية
حلاو،، والأهم "الألعاب النارية" ..!!
لزوم فلة الليل ..
بصراحة شقاوة لاحدود لها..!!
عفوية مع براءة..،
في الليل يكون عشاء عائلي بين عوائل أعمامي،
ذلك لأن والدي هو الأخ الأكبر في المنطقة =)
ونكمل اللعب مع عيال وبنات أعمامي.
أما الآن.!!
يبدأ بالذهاب للمسجد، والعودة بعدها واستقبال أفواج المهنئين "مسوية مهمة"
مازال بيتنا هو الأكبر على لم الأحباب، لكن لم يعد أعمامي يجتمعون للعشاء..
وذلك لأن البيوت تباعدت، فقد انتقل كل منهم لحي غير
ذلك الحي القديم ..!!
العيد اليوم هو فرحة للصغار،
وأرثي لجيل اليوم :)
محرمون من متعة التجول،
وكأن الأمان ينعدم خارج اسوار البيت !!
عيديتي بوجود أمي وأبي في حياتي =)
والعيدية صارت تأتي بشكل آخر على شكل هدايا
من أخواني وأخواتي،،
أما الصغار فأصبحت أنا من يعايدهم =)
لازلت أتلذذ بالحلوى يوم العيد ..!!
وكأني أحاول ان ابقي على تلك الصغيرة
في روحي :P
لـ كن اعترف أني الأن لا أجرؤ على اشعال
صاروخ ناري،،
كإني ثرثرت عليكم!!!:doh:
.
\
.

[بخوت ام البراقع]

قرب العيد والعيديه حان طاريها <<--والله ماتشدين ريال الحين :hahah:

ذكرتينا بطفولتنا وعربجتنا وبثارتنا واحلى أيامنا .. ولو ان فيه ناس الى الان عايشين طفولتهم <<-- :hahah:



يالله ندحدر لذكريات العيد بس تصدقون حلاته عندنا بالشرقيه لان عيدنا مثل قرقيعانا واحد واحس حنا الي ندهر بحكم انا فله<<--جربته مره بالرياض وبغت تنهبل :hahah:



اصبح من فجر الله تقل سكنيه واقابل ذا المرايه واقول لامي تدحس لي من ذا المكياج وهي الي تقول لا ونتدابج انا وياها واقولها وش زودتس عني انتي حرمه وانا حرمه :hahah: <<--لاتشرهون عليها خبركم العيد خليطي عيال وبنات :hahah:


وانا الي البس ذاك الفستان المكنفش الي يدخل فيه اربع بنات :hahah:

الاوتقعد أامي توصيني لاتروحين مع ولد فلان مهب يجوز لي وخليتس مع بنت جيرانا واللي تقوله هي يمشي..وطبعا انا ماغير اهز ذا الدمجه ومادري وش تحتسي :hahah:

ويمروني علي صديقاتي واطلع لهم و اشغل السيكل <<-- سلامات :hahah:

ونلف حارتنا بيت بيت ونكسر بيبانهم ونقولهم (ابي عيدي عادت عليكم جعل الفقر ما يجيكم ولا يقطع يديكم ولا رجليكم:hahah:)...واذا خلصنا رحنا لفينا بحي الي جمبنا وان شطبنا عليهم.. بدينا ندور بالسياره مع ابونا على بيوت ربعه:hahah:


ولاجت حزة المغرب رجعت لبيتنا ومشطبه على العيديه ومحمله معي اكياس لاقبل من الشقاليط والبساكيت الي يشوفني يحسبني صعيديه صارقه سوبر ماركت :hahah:

ولاخلص العيد جدعونا على مستشفى جتنا وعكه صحيه من سف ذا الحلاو اليابس :hahah:


الله يرحم ايام اول <<--الي يسمعها يقول صاكه الثلاثين :hahah:


موضوعتس ياقموره روعه ويجنن ويهبل و جاز لي <<-- بلاتس بزر:hahah:

[أمير الاحلام]

الله يا الايام إلي راحت :00015:
يا ناس والله ايام حلوه <-- أحلف :d!!
وذكريات لا تنسى ,,
يالله أخليكم مع سالفتي:d :
يوم كنا صغار حنا يـا الاخوان
كنا عايشين <--- بالله :d؟؟
عيشه ولا أروووع كنا
حنا و جيرنا طبعاً خليطي عيال و بنات :d..
كنا ليله العيد نتفق وكل عايله تدبر فلوس :d
المهم لليله العيد :
كنا نرووح مع بعض لــ السوق كعابي لانه قريب شوي :d
ونشتري طراطيع <--يمديكم على الكلمه :d؟؟
وشروخ وصواريخ
وكانت على الطارطيع أسماء غريبه مثل :
عزوز<-- موب تبكي الجراح :d !!
لوميغ <-- الله من النصب :hahah:
طعميه <-- من يوم اسمها طعميه وأنا غاسل يدي :d ..
إلــــــــــــــــــــــــــخ......
المهم :
نشتريها ونرجع لــ بيوتنا
ونفرق الطراطيع بالنص كل بيت ياخذ نفس الطراطيع إلي اخذها البيت الثاني :d !!
عااد وندخل البيت
و نرووح نجيب الولاعات من الغرفه :d <-- اكثر من 5 ولاعات :hahah:
المهم عاد بعدها نطلع في الحوش ونجي جنب جدار الجيران ونقول لهم نبدأ:d ؟؟
يقولون أيه ,عاد حنا نبدأ نولع ونرمي عليهم في الحوش :d !!
وفي بعض الاعياد يكونون هم قد شرو طراطيع ثانيه ويقعدون
يرمون علينا و نرمي عليهم لين تخلص حقتنا ,
أذا خلصت طلعو هم الطراطيع إلي شروها
ويرموون علينا ,والله قهر :d !!
يرمون علينا وحنا ما عندنا شي نرد عليهم :d!!
لين تخلص وبعدها نطلع كلنا لـ الشارع على الساعه 12
في الليل ونحصل عيال الحاره الرخوم :d
معهم طراطيع ونجي نضربهم ونسرقها منهم :d
و ما نشغلها في نفس الوقت نشيلها لــ بكرهـ
بعد صلاه العيد :d
المهمــ :
كل واحد يرجع لــ بيته ومنهم إلي :
يرووح يطلع ثيابه من المغسله :hahah:
ومنهم إلي يرجع ينام
ومنهم إلي ما ينام ويقعد يفر في الحارهـ يدور طراطيع
مع ورعان صغار وياخذها منهم :d
المهم على الساعه 2,30
أرجع البيت انا و اخواني <-- بدري :hahah:
وإلي تعبان من اللفلفه في الشوارع ينام
وإلي مو تعبان يتروش
ويتجهز ,,’’
و إلي يقعد يلعب بالحوش ..
المهم
يأذن الفجر نلبس و نطلع :d
نصلي ونطلع من المسجد ونرووح نفر
لين تبدأ صلاه العيد و نرجع لــ المسجد
نصلي و على بيوت الحارهـ
إلي يطردنا :d
و إلي يعطينا حلاو
وإلي يعطينا فلوس :hahah:
وبعدها على البيت ونعايد أهلنا :d
و نرووح لـ بيت جدي <--- الفله صدق :hahah:
نروح ونعايدهـ ونجلس بالمجلس <--على القافيه :d
ونرتص (نصير رصه:d) جنب جدي , وكيف حالك يا جدي
وعساك طيب ومن هالكلام :hahah:
لين يعطينا العيديه :d
وهي تقريباً لــ الصغار 50 ريال :d
لــ الوسط 100 ريال :hahah:
الكبار إلي من عمر 12 لين 15 ,200 ريال<--- صار وصفه علاج :d
المهم نفطر ونرووح لــعمي
طبعاً الغداء داايم عن جدي :d
وبعد ما نرجع لــ البيت نرووح لــ بيت :
ناصر <-- مروج الطراطيع الاول في الحارهـ :d
ونشتري منه و إلي بــ 5 ريال يخليه بــ 15 يصلخ فينا :hahah:
ونطرطع و نفلها ونرجع البيت
محترقه الثياب :d
!!!
أتمنى ما طولت عليكم
وشكراً أختي :
قمر
على الموضوع الرووووووووووووووووعه

[ولد الجوارس]

وانت بخير وصحه وعافيه

وعساكم من عواده

والله انك صدقتي ياقمر الاليت الزمن يرجع

ايام والله جميله

اذكر لم يجي عيد الفطر

نجتمع في بيت خوالي

حنا ياعيال ويالله كل واحد يجيب فلوسه معه

ونرح يم المطعم والاسواق

كل واحد يشتري له شي

طرطيع وكذا

وخذ هبال طبعا هاذ كله ليلت العيد

لكن يوم العيد الاجتماع الكبير لي العائله

دايم ينتهي بحزن ليه

هاذ احترق ثوبه من الطرطيع ولا ذا

دخل المستشفى انحرق كله

يعني يتحول العيد باخر شي حزن

بس صدق ايام وناسه

ياليته ترجع


ويسلمو قمر على الموضوع الحلو

الي خلان نتذكر ايام اول >>>>>> يقالن الحين عجزنا


وياليت الزمن يرجع