اكتشف شخصيتك وانت طفل

[الملكةالصغيرة]

بسم الله

نبداء

من اي الانواع كنت وبصراحه؟!

لما كنا صغار كانت الدنيا علوم

لكن لما كنت صغير اي نوع من الاطفال كنت ..




الطفل البريء ..



في البيت تلاقيه حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..





الطفل العنيد

يطبق نظام البيت بالعكس .. يسوي اللي براسه ..

مايخاف من الماما او البابا .. لو قلت له هذا خطر لاتقربه .. عناد فيك يسويه ..

ياكثر مايضرب في طفولته .. ومع ذلك عنيد مايغير رايه ..




الطفل الحنّـان

يستخدم وسيلة الحنة لتلبية رغباته

له نغمه خاصه في البيت..

تلبى رغباته غصب عنك .. يعانون اهله من الصداع المستمر ..




الطفل المادي

هذا الطفل مايرد السلام الا ( بفلوس ) ..

تعامله مع اهل البيت .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..





الطفل الفتّــان

تلاقي عند هذا النوع جميع اخبار البيت ..

يلاقي المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..





الطفل الدلوع

هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..





الطفل العله

يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..





الطفل الداج

هذا الطفل مستحيل يجلس في البيت..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..





الطفل الملسون

يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. يمكن يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..





الطفل اللزقه

تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

ياكثر ماينضرب .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من شباك البيت للهروب منه ..

ولكن للأسف يلاقونه بانتظارهم في السيارة ..ويسألهم ليش تأخرتوا عليّ ..




الطفل الهادي

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..




الطفل القوي

اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..



=====================

اعترف بكل صراحه ولا تخف فتره وعدت ما بنحاسبك
هههههههههههههههههههههههههههههههههههه


يالله يا جماعه نبي انشوف ردودكم...حق انعرف انتم من اي نوع ....
خخخخ:d

[الطيف المهاجر]

الطفل الهادي

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..

خخخخخخخ ذكرتيني بقصة وأني صغيره أبوي وأمي وأخواني نسيوني في بيت عمتي وهو بيت عمتي بعيد عن بيتنا المهم اني كنت متونسه مع بنات عمتي وكانوا يبوني أنام معاهم علشان نكمل لعبتنا وأمي ماترضى أنام بره البيت المهم هم طلعوا ونسيوني:d:d وجت عمتي قالت لي انتي مارحتي ترا راحوا عنك وأني وبنات عمتي أستانسه فكرت بنام معاهم إلا وربع ساعه إلا أخوي جاي يقول لي ياالله بنروح يقول من يوم وصلنا البيت ذكرانكي:doh::d:victory:







مشكوره الملكه على الموضوع الحلو وتسلم إيدك





أما بالنسبه لولد أختي فيه أكثر الأطباع والشخصيات:00015:

[طالبة متفوقه]

يعطيك العافيه

[العاشق]

\\
//
\\



الصحيح انواع كثيرة الموجوده ومحيرة بنفس الوقت

لكن أستطيع القول ان الطفولة كانت تأخذ من هذه وتلك

أظنها كانت جميلة ,, بعض الشيء




شكرا" لك أختي




احمد

[براءة طفلة]

الطفل الهادي

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..




امي تقول اني هاديه

لمن قلت لها تنسوني بكل مكان قلت لا لا ماانتي صاحيه ههه

يعني كنت هادية بس ما ينسوني هههههه

[غروب الشمس]

مشكوره حبيبتي الملكه....

بالنسبه لي فكنت الطفل العنيد؟؟؟

لكن الحين لما كبرت أكره ما أكره الطفل العنيد

بس على فكره الطفوله كانت ممتعه أقلها ما أحد كان ياخذ على تصرفاتك

تحياتي.

[غروب]

الطفل الهادي

هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..
أتوقع هذا أنا مع أني ماكنت أتمنى أني أكون كذا بس نصيب
مشكورة على الموضوع ياعسل..

[سمو احساس]

ملكة تقول امي...هاااااااااه..
إني....هااااااااااه..كنت هاااااااديه..
ومدلعه..وإذا بكيت ما اسكت إلا عقب ساعه..
وفي المدرسه شاطره وبعض الأحيان يضربوني البنات..
***************8
******
هذا بإخصاااااااااار
**************
********
مشكوره حبـــــي على الموضوع الراااااااااااااائع..

[نرمين قلم حساس]

الطفل العنيد

يطبق نظام البيت بالعكس .. يسوي اللي براسه ..

مايخاف من الماما او البابا .. لو قلت له هذا خطر لاتقربه .. عناد فيك يسويه ..

ياكثر مايضرب في طفولته .. ومع ذلك عنيد مايغير رايه
:hahah:

تسلمين

ههههههههههه
فضحتينا :d