نفسي الشينة

[نياف]

السلام عليكم ورحمة الله وبركاته،
أضع بين أيديكم قصيدة من نظمي
آمل أن ترقي لذائقتكم
.:.
: : : :
لو أطاوع نفسي الشينة.. باضيع
.............. نفسي الشينة مجنبها صفاتي
: : : :
غير قلبي .. ياهوى قلبي مااطيع
..............والله انه لو يكلفني حياتي
: : : :
الأمل موجود وامر الله ... وسيع
..............والحياة بخير باقي لا تحاتي
: : : :
إرض بالمقسوم.. دامك تستطيع
..............واعرف انه ماكتب لك غصب ياتي
: : : :
جعل عمرك دوم وايامك ربيع
..............ياملاكٍ تختلف عنك البناتي
: : : :
المشاعر كلها تشهد جميع
.............. إن حبك كان في قلبي وذاتي
: : : :
وانت بعته .. والا انا والله ماابيع
..............ماأبيعك لو على حتى وفاتي
: : : :
لا تقول ..اني على الزلة وريع
..............مثل ما لي سيئة لك سيئاتي
: : : :
المهم اللي سواتك ..مايضيع
..............كاملٍ والكامل الله ياغناتي
: : : :
وان بغيت القلب ينساني سريع
..............لاتخلي من بقايا ذكرياتي
: : : :
والا انا قلبي على الصدة شجيع
..............كايد (ن) يملك عزومٍ كايداتي
: : : :
اسمحي لي كان باقي لي شفيع
.............. باحسبك يابنت من حسبة خواتي
: : : :
مع التحية
.:.

[عزفـ ـ الحنين]

.
.
أخي الكريم نياف
.
وعليكم السلام ورحمة الله وبركاته
مساء الـ جمال
ورقي الخصال
.
يسرني أن أكون أول الزائرين
صدقا ..أبدعت
لله درك
.
صح لسانك عدد بلا مدد
.
.
.

[عبير الجوري]

السلام عليكم ورحمة الله وبركاته


مرحبابك اخوي نياف

جميله كلماتك الحساسه

معبره ذات اشتات بين الحنين والعتاب

لا حرمكم الله ممن تحبون

تقبل مروري

[نياف]

بسم الله الرحمن الرحيم

الأخت الغالية / عزف الحنين بعد التحية والاحترام

أسعد الله أوقاتك بكل خير

يشرفني أن تكوني أول المشاركين ....

دايماً ........ سباقة للطيب ،،،،، ولا غرابة ...

فأنتي ... أهل له ....


صح بدنك ملايين ولاهنتي على المرور

تقبلي شكري وتقديري [/FONT]

[نياف]

بسم الله الرحمن الرحيم

الأخت العزيزة / همسة مشاعر ... بعد التحية والتقدير


وعليكم السلام ورحمة الله وبركاته

أسعد الله أوقاتك بكل خير ........

الله يبقيك اختي ويعافيك ....

أشكرك جدا على الإطراء الجميل الله لايهينك ..

لا حرمك الله غاليا مدى الدهر ... ولاحرمهم اياك .....

تقبلي شكري وتقديري ولاهنتي على المرور ....

[هنشي]

لا تقول ..اني على الزلة وريع
..............مثل ما لي سيئة لك سيئاتي
: : : :
المهم اللي سواتك ..مايضيع
..............كاملٍ والكامل الله ياغناتي
: : : :
وان بغيت القلب ينساني سريع
..............لاتخلي من بقايا ذكرياتي
: : : :
والا انا قلبي على الصدة شجيع
..............كايد (ن) يملك عزومٍ كايداتي
: : : :
اسمحي لي كان باقي لي شفيع
.............. باحسبك يابنت من حسبة خواتي


الله الله

صح لسانك

جميلة منك هذه الرائعه

دمت متألقا يالغالي

تحياتي

[نياف]

بسم الله الرحمن الرحيم
السلام عليكم ورحمة الله وبركاته

الغالي / هنشي بعد التحية والاحترام

صح كلك ولاهنت طال عمرك

الأجمل مرورك ياغالي عسى الله لايهينك

لا خلا ولاعدم والله

تقبل شكري وتقديري

[نرمين قلم حساس]

إرض بالمقسوم.. دامك تستطيع
..............واعرف انه ماكتب لك غصب ياتي

صح لسانك تسلم على القصيده الجميله
ننتظر جديدك دوما

[نياف]

بسم الله الرحمن الرحيم

السلام عليكم ورحمة الله وبركاته

الأخت العزيزة / نوني بعد التحية والاحترام

صح بدنك ............ ويسلمك ربي ..

ولأجمل مرورك عسى الله لا يهينك .

الله يقدرنا على رضاكم ....

تقبلي شكري وتقديري

[عبدالله العجمي]

لله درك يانياف




وصح لساااانك مليووووون ولا يكفوووون




سجل اعجابي




وتسلملي على هالبيت





إرض بالمقسوم.. دامك تستطيع=واعرف انه ماكتب لك غصب ياتي




وتقبل مروري

[نياف]

بسم الله الرحمن الرحيم

السلام عليكم ورحمة الله وبركاته

الأخ الغالي / عبدالله العجمي بعد التحية والاحترام

صح كلك مليارات ولا تكفي العبارات

اعجابك تاج على راسي طال عمرك

ويشرفني مرورك عسى الله لا يهينك يابعدي

بيض الله وجهك ياعبدالله

تقبل شكري وتقديري

[شمس الإبداع]

نـــــــــــــــــياف

صح لسانك


قصيده لاتوضع سوى في القمه


نظم من ماااااااااااااااااس

احتار

اي بيت اختار

تحياتي لك

تقبل مروري


شــــــــــــمس الابدااااااااااااع

[نياف]

شمس الابداع

صح كلك ولاهنتي

شهادة اعتبرها وسام على صدري

وهذا من طيبك طال عمرك .

شكرا شكرا شكرا على مرورك

عسى الله لايهينك

تقبلي تحياتي وتقديري

ودمتي بود

[وعد بنت عبدالله]

/


الفاضل ..


نياف ..

رائع لا تفيك !!


صـ لسـانـك ـح ..


دمتَ كمـا أنت ..

/

بـ انتظار المزيـد ..


أخي الكريم ..


/

[نياف]

اختي الكريمة وعد بنت عبدالله
السلام عليكم ورحمة الله وبركاته

الروعة روعتك ...

يكفيني مرورك طال عمرك ...

لاهنتي على الإشادة ...
لك كل الشكر والامتنان،،،
ولاعدمنا حضورك ...

تحياتي .،.،.،.

[شهاب المعرفه]

صح لسانك اخي نياف وكلمات جزل

وفقك الله

تقبل مروري

اخوك شهاب

[الوافي]

السلام عليكم ورحمة الله وبركاته

اخوي الغالي .. نياف

ارحب ارحب

يالله ان تحييه وتسعده

وصح لسانك ملايين ولا هنت يابعدي

وخلنا نشوف جديدك

اخوك الوافي

[الجواد]

ياذيب أنابوصيك لاتاكل الذيب
كم ليلة عشاك من عقب المجاعة
.
.
يعطيك العفيةأخوي نياف وننتظر جديدكم
.
.
أخوك الجـــــــــــــــواد
:hi7uo::hi7uo:

[نياف]

أخواني الأعزاء /

شهاب المعرفة

الوافي

الجواد
السلام عليكم ورحمة الله وبركاته

لاهنتوا على المرور ....

مع خالص شكري وتقديري

وارجو العذر والسموحة على التأخير

وفقكم الله وجعلكم ذخرا

تقبلوا ازكى التحايا وعظيم الامتنان

اخوكم نياف ...